The news is by your side.

Advertisement

برطانوی لڑکی کتنی عمر میں نانی بن گئی؟

لندن: برطانیہ میں ایک 30 سالہ لڑکی نانی بن گئی، جس کا نام برطانیہ کی سب سے کم عمر والی نانی کے طور پر رجسٹرڈ کر لیا گیا۔

تفصیلات کے مطابق پانچ بچوں کی ماں کیلی ہیلے صرف 30 سال کی عمر میں اس وقت برطانیہ کی سب سے چھوٹی نانی بنی، جب اس کی 14 سالہ بیٹی نے بچے کو جنم دیا۔

کیلی ہیلے صرف 30 سال کی تھی جب اس کی نوعمر بیٹی اسکائی سالٹر نے اگست 2018 میں بیلے نامی بیٹے کو جنم دیا، جو اب تین سال کا ہے، اور برطانیہ میں اب کیلی ہیلے کا نام باضابطہ طور پر سب سے کم عمر نانی کے طور پر رجسٹرڈ کر لیا گیا ہے۔

اسکائی اپنے بیٹے کے ساتھ

چھوٹی عمر میں نانی بننے کے حوالے سے کیلی نے کہا کہ جب 2018 میں مجھے علم ہوا کہ میری بیٹی بھی ماں بننے والی ہے تو یہ میرے لیے مختلف انداز کا تجربہ تھا۔

جب کیلی کو پتا چلا کہ اسکائی ماں بننے والی ہے، تو انھوں نے بڑے پیار سے اس کی مدد کی، کیوں کہ ‘جو ہونا تھا وہ ہو چکا تھا’، انھوں نے کہا محفوظ جنسی تعلقات کے بارے میں اسکائی پر چیخنے کا کوئی فائدہ نہیں تھا، تاہم پانچ بچوں کی والدہ نے اعتراف کیا کہ انھوں نے کبھی توقع نہیں کی تھی کہ وہ اتنی کم عمری میں نانی بن جائیں گی۔

اسکائی کو جب حمل کا معلوم ہوا تو اس نے اسقاط کرانا چاہا، تاہم جب اسے بتایا گیا کہ حمل کو 36 ہفتے ہو چکے ہیں اس لیے اب نہیں گرایا جا سکتا تو وہ بہت گھبرائی۔ اسکائی اب 17 سال کی ہے، اور بہت خوش ہے، اس کا کہنا ہے کہ بچے کا باپ ایک مقامی لڑکا ہے جو اس کی عمر ہی کا ہے۔

Comments

یہ بھی پڑھیں