شام : فضائی حملوں کے سلسلے میں برطانوی پارلیمان میں آج رائے شماری کی جائے گی، برطانیہ کی ممکنہ شمولیت کیخلاف جنگ مخالف گروہوں نے لندن میں احتجاج کیا.
وزیراعظم ڈیوڈ کیمرون داعش کیخلاف کارروائیوں کے آغٖاز کیلئے پر عزم ہیں، اطلاعات کے مطابق برطانوی پارلیمان میں فضائی حملوں کےحامیوں کی تعداد میں اضافہ ہوا ہے۔ دوسری جانب حزب اختلاف کی جماعت لیبرپارٹی نے بھی ووٹنگ پر اپنے ارکان پارلیمان کوحمایت یا مخالفت کیلئے پابند نہ کرنے کا فیصلہ کیا ہے۔
لیبرپارٹی کے رہنماء جیریمی کوربن کا کہنا ہے کہ وزیراعظم جنگ میں کودنے کیلئے جلدی نہ کریں۔
اس سے قبل وزیراعظم ڈیوڈ کیمرون اس خدشے کورد کرچکے ہیں کہ ایسا کرنے سے برطانیہ دہشت گردی کی کارروائیوں کا ہدف بن سکتا ہے۔
دوسری جانب برطانیہ کی جنگ میں ممکنہ شمولیت کے خلاف لندن میں شہریوں اور جنگ مخالف تنظیموں نے احتجاج کیا، مظاہرین جنگ مخالف پلے کارڈز تھامے نعرے لگارہے تھے۔
