The news is by your side.

Advertisement

بچی اسکول سے واپس کیوں نہیں پہنچی؟ گھر والوں پر قیامت ٹوٹ پڑی

لندن : برطانیہ میں 14سالہ طالبہ اسکول سے واپس نہیں لوٹی، بچی کے ایل خانہ گزشتہ تین روز سے پریشان ہیں لیکن بچی کی تاحال کوئی خبر نہ مل سکی۔

برطانیہ کا ایک خاندان تین دن قبل لندن سے لاپتہ ہو جانے والی اپنی 14 سالہ بیٹی سے متعلق معلومات کی تلاش میں ہے۔

عرب نیوز کے مطابق حفیظہ جمعرات کو اپنے اسکول جانے کے بعد گھر واپس نہیں آئی۔ اس کے اہل خانہ نے بتایا کہ اس نے اس دن کلاسوں میں شرکت کی لیکن یہ معلوم نہیں کہ اس کے بعد کیا ہوا۔

حفیظہ حجاب پہنتی ہے اور اسے آخری بار اسکول یونیفارم میں ملبوس دیکھا گیا تھا جس میں کالی جیکٹ اور جوتے تھے۔

اس کے بھائی نے میڈیا سے بات کرتے ہوئے کہا کہ حفیظہ! اگر آپ یہ پڑھ رہی ہیں تو براہ کرم گھر واپس آئیں۔ اگر کسی وجہ سے آپ ایسا نہیں کر سکتیں یا کوئی چیز آپ کو واپسی سے روک رہی ہے تو براہ کرم ہمیں یا پولیس کو کال کریں یا پیغام بھیجیں تاکہ ہم آپ کو گھر لانے میں مدد کرسکیں۔

حفیظہ کے بھائی نے مزید کہا کہ ہم سب آپ سے بہت پیار کرتے ہیں اور ہمارے دل و دماغ اس وقت تک آرام نہیں کرسکیں گے جب تک کہ آپ محفوظ طریقے سے ہمارے پاس واپس نہ آجائیں۔

اہل خانہ کو خدشہ ہے کہ حفیظہ جو اس سے قبل ذہنی صحت کے مسائل سے نمٹ چکی ہے، شاید کسی نے اسے کوئی لالچ دیا ہو۔

Comments

یہ بھی پڑھیں