نیوکیسل : برطانیہ میں ایک درخت کا گرنا حکومت کیلئے درد سر بن گیا، عدالت نے میونسپل حکام پر لاکھوں روپے جرمانہ عائد کرنے کا حکم سنا دیا۔
تفصیلات کے مطابق برطانیہ میں تیز ہوا چلنے کے باعث درخت گرنے سے حکومت کو 3 لاکھ 30 ہزار ڈالر کا نقصان اٹھانا پڑگیا۔ درخت ہوا سے اڑ کر دو جاگرا جس کی وجہ سے تباہی مچ گئی۔
غیرملکی خبر رساں ادارے کی رپورٹ کے مطابق درخت گرنے سے اس کے نیچے دب کر ایک بچی کی موت واقع ہوگئی تھی جو دیگر بچوں کے ساتھ کھیل رہی تھی۔
رپورٹ کے مطابق عدالت نے میونسپل حکام کو غفلت اور لاپرواہی کا مرتکب قرار دیتےہوئے بچی کے لواحقین کو 2 لاکھ 80 ہزار پاؤنڈ جرمانہ ادا کرنے کا حکم صادر کر دیا جوتقریباً 3 لاکھ 30 ہزار ڈالر بنتی ہے۔
رپورٹ میں بتایا گیا ہے کہ عدالت نے مقامی کونسل حکام کو جرمانہ ادا کرنے کا حکم دیتے ہوئے یہ بھی واضح کیا کہ ہوا چلنے سے پہلے ہی اس درخت کی دیکھ بھال نہیں کی گئی تھی اور یہ ناکارہ اور بوسیدہ ہوچکا تھا۔ بعد ازاں ہوا چلی تو یہ درخت ہوا میں اڑ کر تباہی اور بچی کی موت کا باعث بن گیا۔