برطانیہ ریاست کے بجائے شخصیات کو اہمیت دے رہا ہے، ناصر جنجوعہ Nasir Janjua
The news is by your side.

Advertisement

برطانیہ نے بلوچ رہنماؤں اور بانی متحدہ کے خلاف کارروائی نہیں کی، ناصر جنجوعہ

اسلام آباد: مشیر قومی سلامتی ناصر جنجوعہ نے کہا ہے کہ برطانیہ ریاست کے بجائے شخصیات کو اہمیت دے رہا ہے جس کا بے حد افسوس ہے، بلوچ علیحدگی پسندوں اور بانی ایم کیو ایم کے خلاف برطانیہ نے کوئی کارروائی نہیں کی۔

برطانوی وفد سے ملاقات میں مشیر قومی سلامتی نے اپنے تحفظات کا اظہار کرتے ہوئے کہا کہ بھارتی رویے سے علاقائی سلامتی کو خطرات لاحق ہوچکے ہیں کیونکہ بلوچ علیحدگی پسندوں نے پڑوسی ملک سے روابط ثابت ہوچکے ہیں۔

انہوں نے کہا کہ پاکستان مخالف لوگ برطانیہ میں مقیم ہیں مگر برطانوی حکومت ریاست کے بجائے شخصیات کو اہمیت دے رہا ہے اس لیے انہوں نے بلوچ علیحدگی پسندوں کو بھی پناہ دے رکھی ہے۔ مشیر قومی سلامتی نے برطانوی وفد سے ملاقات میں بانی ایم کیو ایم اٹھایا اور انہیں عدالتی فیصلوں سمیت ریاستی تحفظات سے آگاہ کیا۔

بعد ازاں وزیرمملکت مریم اورنگزیب نے برطانوی وفد کو پاکستان میں پارلیمانی نظام اور سیاسی اصلاحات پر تفصیلی بریفنگ دیتے ہوئے کہا کہ حکومت نے پارلیمانی استحکام کے لیے متعدد اقدام کیے۔ برطانوی وفد نے اطمینان کا اظہار کرتے ہوئے کہا کہ پاکستان میں جمہوریت پروان چڑھ رہی ہے۔

Comments

comments

یہ بھی پڑھیں