The news is by your side.

Advertisement

برطانوی ہائی کمشنر کی پی ایس ایل میں کامیابی پر کراچی کنگز کو مبارکباد

اسلام آباد : برطانوی ہائی کمشنرکی پی ایس ایل میں کامیابی پر کراچی کنگزکومبارکباد دی اور کہا پی ایس ایل میں شاندارکرکٹ کھیلی گئی۔

تفصیلات کے مطابق برطانوی ہائی کمشنر کرسچن ٹرنر نے سماجی رابطے کی ویب سائٹ ٹوئٹر پر پی ایس ایل میں کامیابی پر کراچی کنگز کو مبارکباد دیتے ہوئے کہا کراچی کنگز کو لاہور قلندرز سے جیت پر مبارکباد دیتا ہوں، پی ایس ایل میں شاندارکرکٹ کھیلی گئی، پی ایس ایل میں 15 انگلینڈ کے کرکٹرز نے بھی حصہ لیا۔

یادرہے پی ایس ایل کی سب سے مقبول ٹیم کراچی کنگز نے لاہور قلندرز کو 5 وکٹوں سے شکست دے کر پہلی بار پاکستان سپر لیگ کا ٹائٹل اپنے نام کیا، بابر اعظم کو شاندار نصف سنچری اسکور کرنے پر میچ کا بہترین کھلاڑی قرار دیا گیا تھا جبکہ بابر اعظم پلیئر آف دی ٹورنامنٹ قرار پائے۔

بعد ازاں صدر مملکت، گورنرز، وزرا، وزرائے اعلیٰ، سمیت فنکاروں اور دیگر اہم شخصیات نے پی ایس ایل سیزن فائیو کا ٹائٹل جیتنے پر کراچی کنگز کو مبارک باد پیش کی تھی۔

Comments

یہ بھی پڑھیں