لندن/واشنگٹن : امریکی صدر ڈونلڈ ٹرمپ نے کہا ہے کہ داعش کے دو شکست خوردہ جنگجوؤں کو شام سے امریکا کے زیر نگرانی علاقے میں منتقل کردیا ہے۔
تفصیلا ت کے مطابق امریکی صدر ڈونلڈ ٹرمپ نے سماجی رابطے کی ویب سائٹ پر برطانیہ سے تعلق رکھنے دو داعشی کارندوں سے متعلق کیے گئے ٹویٹ میں آگاہ کرتے ہوئے بتایا گیا ہے کہ ’الشفی الشیخ اور الیگزینڈا کوٹے جن پر داعش کے رکن ہونے کی حیثیت سے مغربی شہریوں کو اغواء اور قتل کرنے کا الزام کو امریکی فورسز نے اپنی حراست میں لےلیا ہے۔
امریکی خبر رساں ادارے کا کہناہے کہ دونوں داعشی کارندوں کا تعلق برطانوی دارالحکومت لندن سے تعلق سے ہے۔
ایک ٹویٹ میں صدر ٹرمپ نے دونوں قیدیوں کو بد سے بدتر قرار دیتے ہوئے کہا کہ ’ان کو شام سے امریکا کے زیر نگرانی علاقے میں منتقل کرنے کا فیصلہ اس لیے کیا گیا ہے یا کرد یا ترکی کرد وں یا ترکی اپنا کنٹرول کھوچکے ہیں۔
In case the Kurds or Turkey lose control, the United States has already taken the 2 ISIS militants tied to beheadings in Syria, known as the Beetles, out of that country and into a secure location controlled by the U.S. They are the worst of the worst!
— Donald J. Trump (@realDonaldTrump) October 10, 2019
نیویارک ٹائمز اور واشنگٹن پوسٹ کا کہنا ہے کہ دونوں قیدیوں کو شمالی شام میں واقع کردوں کے زیر انتظام ایک جیل سے منتقل کیا گیا ہے۔
برطانوی خبر رساں ادارے کے مطابق ڈونلڈ ٹرمپ کی جانب سے یہ اعلان مذکورہ خطے سےامریکی فورسز کے انخلاء کے ایک ہفتے بعد سامنے آیا ہے۔