کشمیر کمیٹی کا چیئرمین کسی کشمیری کو بنایا جائے، برطانوی ارکانِ پارلیمنٹ -
The news is by your side.

Advertisement

کشمیر کمیٹی کا چیئرمین کسی کشمیری کو بنایا جائے، برطانوی ارکانِ پارلیمنٹ

لندن: برطانوی ارکانِ پارلیمنٹ نے حکومتِ پاکستان سے مطالبہ کیا ہے کہ کشمیر کمیٹی کا چیئرمین کسی کشمیری کو بنایا جائے۔

تفصیلات کے مطابق کشمیر کے معاملے پر برطانوی پارلیمان کے ارکان کا مطالبہ سامنے آ گیا ہے، لارڈ قربان اور لارڈ نذیر نے کہا ہے کہ کشمیر کی بہتر نمائندگی کے لیے ضروری ہے کہ کشمیر کمیٹی کا چیئرمین کسی کشمیری کو بنایا جائے۔

لارڈ قربان حسین نے ماضی میں کشمیر کمیٹیوں کے عالمی سطح پر کردار کو مدِ نظر رکھتے ہوئے کہا ’کشمیری چیئرمین دنیا میں کشمیر کا کیس بہتر طریقے سے پیش کر سکے گا۔‘

لارڈ قربان کا کہنا تھا کہ ماضی میں کشمیر کمیٹی کی کارکردگی مایوس کن رہی، مسئلہ کشمیر کا عالمی سطح پر اچھے مؤثر طریقے سے پیش کرنے کے لیے ضروری ہے کہ کمیٹی کا چیئرمین کشمیری ہو۔

لارڈ نذیر احمد نے بھی کشمیر کمیٹی کی کارکردگی پر تنقید کرتے ہوئے کہا ’سابق چیئرمین کشمیر کمیٹی مولانا فضل الرحمان نے کوئی کام نہیں کیا۔‘


مزید پڑھیں:  صدرآزاد کشمیر کو حمایت اورتعاون جاری رکھنے کی یقین دہانی کرادی: دفترِخارجہ


تاہم لارڈ نذیر کا کہنا تھا کہ چیئرمین کا انتخاب وزیرِ اعظم کے ہاتھ میں ہے، انھوں نے کہا ’چیئرمین کشمیر کمیٹی کی تعیناتی وزیرِ اعظم عمران خان کی صوابدید ہے۔‘

برطانوی رکن پارلیمنٹ نے وزیرِ اعظم کو یو این اجلاس کے سلسلے میں بھی مشورہ دیا، کہا کہ اقوامِ متحدہ کے جنرل اسمبلی میں وزیرِ اعظم عمران خان کو شریک ہونا چاہیے۔

Comments

comments

یہ بھی پڑھیں