The news is by your side.

Advertisement

میگھن مرکل نے برطانوی اخبار کے خلاف مقدمہ دائر کردیا

لندن: برطانوی شہزادہ ہیری کی اہلیہ میگھن مرکل نے برطانوی اخبار کے خلاف مقدمہ دائر کردیا۔

غیرملکی خبررساں ادارے کے مطابق برطانوی شہزادہ ہیری کی اہلیہ میگھن مرکل نے خط شائع کرنے پر برطانوی اخبار میل آن سنڈے کے خلاف کیس دائر کردیا ہے، شہزادہ ہیری بھی اخبار کی اس حرکت پر ناراض ہوگئے۔

میگھن مرکل کی جانب سے دائر کیے گئے کیس میں موقف اپنایا گیا ہے کہ اخبار نے جھوٹی اور من گھڑت کہانی شائع کی۔

دوسری جانب شہزادہ ہیری نے برطانوی اخبار کو کڑی تنقید کا نشانہ بناتے ہوئے کہا کہ ان کی اہلیہ کی کردار کشی کی مہم انتہائی تکلیف دہ ہے۔

مزید پڑھیں: میگھن مرکل کی تصویر لینے پر ہنگامہ

شہزادہ ہیری کا کہنا تھا کہ پہلے انہوں نے اپنی والدہ شہزادی ڈیانا کو کھویا اور اب طاقتور قوتیں ان کی اہلیہ کے پیچھے پڑ گئی ہیں۔

واضح رہے کہ برطانوی اخبار میل آن سنڈے نے میگھن مرکل کی جانب سے اپنے والد کو لکھا گیا خط شائع کیا تھا۔

یاد رہے کہ شہزادی ڈیانا 31 اگست 1997 میں پیرس میں ایک کار حادثے کے نتیجے میں انتقال کرگئی تھیں۔

Comments

comments

یہ بھی پڑھیں