لندن : معروف برطانوی ریپر اور گلوکار ڈچ ویلی نے اسلامی تعلیمات سے متاثر ہوکر اسلام قبول کرلیا، باقاعدہ کلمہ شہادت پڑھ کر دائرہ اسلام میں داخل ہوگئے جس کی ویڈیو بھی سوشل میڈیا پر وائرل ہوگئی۔
سماجی رابطے کی ویب سائٹ ٹوئٹر پر شیئر کی گئی ایک وائرل ویڈیو میں دیکھا جاسکتا ہے کہ وہ ایک عالم دین کے سامنے اسلام قبول کررہے ہیں اور دائرہ اسلام میں داخل ہونے کے لیے کلمہ شہادت پڑھ رہے ہیں۔
A video has been circulating online of the prominent UK rapper, ‘Dutchavelli’, taking his shahadah and becoming Muslim. pic.twitter.com/ZAv3LIzL7i
— 5Pillars (@5Pillarsuk) August 3, 2022
غیر ملکی خبر رساں ادارے کی رپورٹ کے مطابق ڈچ ویلی نے اب اپنے انسٹاگرام اکاؤنٹ پر بذریعہ اسٹوری سوشل میڈیا پر وائرل ہونے والی ویڈیوز کی تصدیق بھی کی ہے۔
قبول اسلام سے قبل انہوں اسلامی تعلیمات کا بغور مطالعہ کیا اور دین حق کی سچائی اور تعلیمات کو تسلیم کرتے ہوئے اپنی زندگی اسلام کے مطابق گزارنے کا فیصلہ کیا تاہم ڈچ ویلی نے اس وقت اس حوالے سے باقاعدہ کوئی تصدیق یا تردید نہیں کی تھی۔
