The news is by your side.

Advertisement

براڈ شیٹ کمیشن کا دفتر شرعی عدالت میں قائم کرنے کا فیصلہ

اسلام آباد : براڈ شیٹ کمیشن کا دفتر شرعی عدالت میں قائم کرنے کا فیصلہ کرلیا گیا ، کمیشن کےسربراہ جسٹس(ر)عظمت سعیدکو سیکیورٹی پولیس فراہم کرے گی۔

تفصیلات کے مطابق براڈشیٹ کمیشن کادفترشرعی عدالت میں قائم کرنےکافیصلہ کرلیا ، 20 گریڈ کےآفیسرطارق محمودبطور رجسٹرارخدمات سرانجام دیں گے جبکہ کمیشن کےسربراہ جسٹس(ر)عظمت سعیدکو سیکیورٹی پولیس فراہم کرےگی۔

وزارت قانون انصاف نے مختلف اداروں سے افسران کی خدمات مانگتے ہوئے اسٹیبلشمنٹ ڈویژن،ایف آئی اے،اٹارنی جنرل آفس سےافسران کےنام طلب کرلیے ہیں، ایف آئی اے سے مالی چھان بین کےماہرافسران کےنام طلب کیے گئے ہیں۔

وزارت صحت سے نیشنل ہیلتھ سروس کےآفتاب حسین کی خدمات کمیشن کےسپردکرنےکی درخواست کی جبکہ اٹارنی جنرل آفس سے2اچھی ساکھ کے افسران کے نام طلب کئے گئے ہیں۔

وزرت داخلہ سے 2 پولیس کی گاڑیاں،ایک جیمرگاڑی اور 2گن مین کیلئے وزارت داخلہ کو خط لکھا جبکہ وزارت قانون کے 11افسران واہلکار سمیت ایڈیشنل اٹارنی جنرل سہیل محمود، ساجدالیاس بھٹی کی خدمات کمیشن کےسپردکرنیکی درخواست کی گئی ہے۔

واضح رہے کہ گزشتہ دنوں جسٹس (ر) عظمت سعید کو براڈ شیٹ انکوائری کمیٹی کا سربراہ مقرر کیا گیا تھا، کمیٹی میں وفاقی وزیر فواد چوہدری، شیریں مزاری، بابر اعوان اور شہزاد اکبر شامل ہیں۔

وزیراعظم کا کہنا تھا کہ براڈ شیٹ معاملہ تفصیلی طور پر عوام کے سامنے رکھا جائے، براڈ شیٹ کیس کے فیصلے میں موجود حقائق منظرعام پر لائے جائیں۔

Comments

یہ بھی پڑھیں