ڈبلیو ڈبلیو ای ریسل مینیا 42 میں نائیجیرین ریسلر اوبا فیمی نے بروک لیسنر کو باآسانی پچھاڑ دیا جس کے بعد لیسنر رنگ میں جوتے چھوڑ کر چلے گئے۔
ڈبلیو ڈبلیو ریسل مینیا 42 میں بروک لیسنر نے اوبا فیمی کو چوک سلیم اور ایف فائیو لگایا لیکن وہ اس سے بچ گئے جس کے بعد اوبا فیمی نے اٹھ کر اچانک انہیں چوک سلیم اور اپنا پاور بم لگا کر بروک لیسنر کو ہرا دیا۔
تاہم لیسنر کی جانب سے رنگ میں جوتے چھوڑ کر جانے سے یہ اشارہ مل رہا ہے کہ وہ ریٹائر ہوگئے ہیں اور اب رنگ میں دوبارہ نہیں اتریں گے۔
ریسلر کے دیرینہ وکیل پال ہیمن رنگ میں ان کے ساتھ شامل ہوئے اور جذباتی گلے لگنے کے ساتھ ہی ہجوم "تھینک یو بروک” کے نعروں سے گونج اٹھا۔
لیسنر رنگ سے اترنے کے بعد سائیڈ میں موجود لوگوں کا شکریہ ادا کرتے دکھائی دیے۔
لیسنر نے آخری لمحات میں انگوٹھی کے کینوس کو بوسہ بھی دیا جس کے بعد لوگ اسے الوداعی لمحے سے تعبیر کررہے ہیں۔
واضح رہے کہ بروک لیسنر نے ڈبلیو ڈبلیو ای پر دو دہائیوں تک راج کیا وہ ہیوی ویٹ چیمپئن، یو ایف سی کے ایک زائد مرتبہ عالمی چیمپئن رہ چکے ہیں۔
اس کے علاوہ انہوں نے ڈبلیو ڈبلیو ای چیمپئن شپ رینز، تین یونیورسل ٹائٹل، کنگ آف دی رنگ (2002) کی فتح، ایک مرتبہ منی ان دی بینک (2019) کی کامیابی اور 2003 اور 2022 میں دو رائل رمبل فتوحات شامل ہیں۔
دوسری جانب رومن رینز نے سی ایم پنک کو ہرا دیا اور یہ بھی کہا جارہا ہے کہ اب رومن رینز اور اوبا فیمی کے آمنے سامنے آنے کا امکان ہے۔
صحافی و بلاگر، 10 سال سے اے آر وائی نیوز سے وابستہ ہیں