The news is by your side.

Advertisement

بہن سے دوستی پر بھائیوں نے لڑکے کی آنکھیں نکال لیں

چنیوٹ میں بہن سے تعلقات پر بھائیوں نے لڑکے کی آنکھیں نکال لیں۔

اے آر وائی نیوز کے مطابق چنیوٹ کے تھانہ محمد والا کی حدود کلری میں لڑکی کے بھائیوں نے بہن سے تعلقات پر ایک شخص کو پکڑ کر اس کی آنکھیں نکال لیں۔

پولیس کا کہنا ہے کہ زخمی شخص ناصر کو طبی امداد کے لیے فیصل آباد کے الائیڈ اسپتال منتقل کردیا گیا۔

خاندانی ذرائع کا کہنا ہے کہ ناصر کی غلط حرکتوں کی وجہ سے بیوی روٹھ کر میکے گئی ہوئی ہے، ناصر سے نازیہ کے شادی سے پہلے بھی تعلقات تھے۔

اہل علاقہ کا کہنا ہے کہ شادی سے قبل نازیہ دو بار ناصر کے ساتھ گھر سے بھاگی تھی، کچھ عرصہ قبل بھی ناصر علاقے کی لڑکی کو بھگا کر لے گیا تھا۔

اہل علاقہ کے مطابق لڑکی میکے سے واپس مارو بھٹیاں گئی جس کے پیچھے وہ بھی وہاں پہنچ گیا، لڑکیوں کو تنگ کرنے پر ناصر پر کچھ عرصہ قبل بھی تشدد کیا گیا تھا، اس کی آنکھوں میں کیل ٹھونک کر آنکھیں ضائع کی گئیں۔

ڈی پی او چنیوٹ نے واقعے کا نوٹس لیا جس کے بعد پولیس نے دونوں ملزمان کو گرفتار کرلیا۔

ڈی پی او بلال ظفر کا کہنا ہے کہ ایسے واقعات ناقابل برداشت ہیں، قانون کی بالادستی قائم رکھتے ہوئے انصاف کی فراہمی کو یقینی بنایا جائے گا۔

Comments

یہ بھی پڑھیں