The news is by your side.

وحشی شوہر نے 3 ماہ کی حاملہ بیوی کو پیٹ پر لاتیں مار کر قتل کر دیا

کراچی : شاہ فیصل کالونی میں وحشی شوہر نے تین بچوں کی ماں اور تین ماہ کی حاملہ خاتون کو پیٹ پر لاتیں مار کر قتل کر دیا۔

تفصیلات کے مطابق کراچی کے علاقے شاہ فیصل کالونی میں دالخراش واقعے پیش آیا ، تین بچوں کی ماں اور تین ماہ کی حاملہ خاتون کو شوہر نے پیٹ پر لاتیں مار کر قتل کر دیا۔

پولیس نے ملزم کو گرفتار کرلیا ہے جبکہ جناح اسپتال میں قتل ہونے والی خاتون کی لاش کا پوسٹ مارٹم جاری ہے۔

مقتولہ کے بھائی سرفراز نے بتایا کہ بہن کے3بچےتھےاور 3ماہ کی حاملہ تھی، بہنوئی بہن پرتشددکرتاتھا۔

بھائی کا کہنا تھا کہ صبح بچی کواسکول چھوڑ کرواپس آیا اورمار پٹائی شروع کر دی، میری بہن نےامی کوفون کیا اور ان کو گھر پر بلایا ، امی جیسےہی گھر پرپہنچیں تو اس نے امی پر بھی تشدد کرنا شروع کردیا۔

سرفراز نے کہا کہ اس نے امی کو دھکا دیا اور بہن کے پیٹ پر لاتیں مار کر گھر سے بھاگ گیا، بہنوئی محمدعلی نشہ کرتا ہے جبکہ بہن کی ساس مانتی نہیں تھی کہ نشہ کرتا ہے،پیسےنہ ملنے پرلڑتا تھا۔

مقتولہ کے بھائی نے بتایا کہ محمد علی نے بہن کو مارا اور چلاگیا، بہن کو ایک اسپتال سے جناح اسپتال منتقل کیا لیکن وہ انتقال کرچکی تھی۔

Comments

یہ بھی پڑھیں