The news is by your side.

Advertisement

آئندہ بجٹ، سرکاری ملازمین کو اوور ٹائم دینے اور ریٹائرڈ ملازمین کی پینشن میں اضافے کا امکان

اسلام آباد : بجٹ 18-2017تکیمل کے مراحل میں ہے، آئندہ بجٹ میں ریٹائرڈ افراد کی پینشن میں اضافے اور سرکاری ملازمین کو اوور ٹائم دینے کی تجویز زیر غور ہے۔

تفصیلات کے مطابق آئندہ مالی سال کیلئے بجٹ کی تیاری زوروں پر ہے، سال دوہزار سات سے پہلے ریٹائر ڈ ملازمین کیلئے پینشن میں بیس فیصد اضافہ متوقع ہے۔

زرائع کے مطابق دفتر میں اوقات کار سے زائد وقت دینے پر ملازمین کو اوور ٹائم دینے کی تجویز بھی زیر غور ہے۔

دوسری جانب ایف بی آر کو تارکین وطن کے بارے میں مزید معلومات مل سکیں، اس کیلئے تارکین وطن کی تعریف میں تبدیلی کابھی امکان ہے۔

وزیر اعظم کے مشیر ہارون اختر کا کہنا ہے کہ سال میں ایک سو تراسی دن سے کم پاکستان میں گزارنے والے کو نان ریزیڈنٹ کہا جاتا ہے، جس کو تبدیل کیا جائے گا، زرعی شعبے کو ریلیف دینے کیلئے کھاد کو سیلز ٹیکس سے مستثنیٰ قرار دیئے جانے کی تجویزبھی زیر غور ہے تاہم کھاد پر دی گئی سبسیڈی ختم کر دی جائے گی۔


مزید پڑھیں : آئندہ بجٹ میں سرکاری ملازمین کی تنخواہوں میں اضافہ متوقع


اس سے قبل  رواں برس بجٹ میں سرکاری ملازمین کے لیے تنخواہوں میں 10 فیصد اضافے کی بھی تجویز زیر غور ہے جبکہ نیم سرکاری اور غیر سرکاری ملازمین کے لیے بھی قابل ٹیکس آمدنی کی حد میں اضافہ کی تجویز بھی زیر غور ہے۔ اس کے علاوہ تنخواہ دار طبقے پر زیادہ سے زیادہ ٹیکس کی حد میں بھی بتدریج کمی کرنے کی تجویز پر غور کیا جارہا ہے۔

رواں سال بجٹ میں قابل ٹیکس آمدنی کی حد میں تبدیلی کے لیے ٹیکس سلیبز میں بھی رد و بدل کیا جا سکتا ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں