The news is by your side.

Advertisement

بجٹ 2019-20 : ملکی آمدنی میں اضافے کیلئے ٹھوس اقدامات متوقع

رواں مالی سال انیس لاکھ افراد نے گوشوارے جمع کروائے تھے جو کہ تاریخ کی بلند ترین سطح ہے

آئندہ مالی سال کے بجٹ میں ٹیکس وصولیوں میں اضافے کیلئے ٹیکس کا دائرہ کار بڑھایا جائےگا، ٹیکس دائرکار بڑھانے کیلئے آئندہ بجٹ میں ٹھوس اقدامات متوقع ہیں۔

تفصیلات کے مطابق ملکی آمدنی میں اضافے کیلئے ٹھوس اقدامات متوقع ہیں، اس سلسلے میں آئندہ بجٹ میں اقدامات متعارف کروائے جائیں گے۔

ایف بی آر ذرائع کے مطابق آئندہ مالی سال کے بجٹ میں ٹیکس کا دائرہ کار بڑھانےکیلئے نئی اسکیم متعارف کروائی جائے گی۔ ایسے تمام افراد جو ٹیکس نیٹ کا حصہ نہیں ان کو فوری طور پر ایف بی آر سے رجسٹر ہونا ہوگا، یہ رجسٹریشن نادرا کے دفاتر سے ہوسکے گی۔

رجسٹریشن کیلئے صرف ایک آسان فارم بھرنا ہوگا، ایف بی آر ذرائع کے مطابق ٹیکس فائلرز کو راغب کرنے کیلئے فکسڈ ٹیکس ریٹ بھی متعارف کروایا جاسکتا ہے۔

رواں مالی سال مجموعی طور پرانیس لاکھ افراد نے گوشوارے جمع کروائے تھے جو کہ تاریخ کی بلند ترین سطح ہے۔ آئندہ دو برسوں میں گوشوارے جمع کروانے والوں کی تعداد پچاس لاکھ کرنے کا پلان ہے۔

ڈیٹا کلیکشن کیلئے بینکوں سے بھی مدد لی جائےگی۔ اسکیم سے چھوٹے تاجر اور کاروباری حضرات بھی فائدہ اٹھا سکتے ہیں۔

Comments

comments

یہ بھی پڑھیں