The news is by your side.

Advertisement

قومی بجٹ کو کسی عذر کی نظر نہیں‌ ہونے دیں‌گے. خورشید شاہ

سکھر: قومی اسمبلی میں اپوزیشن لیڈر سید خورشید شاہ نے کہا ہے کہ اپوزیشن اراکین  وزیر اعظم کی بیماری کو عذر بناکر بجٹ پیش نہ کرنے کی کسی صورت اجازت نہیں دیں گے۔

تفصیلات کے مطابق سکھر میں میدیا سے بات چیت کرتے ہوئے قائدِ حزب اختلاف نے کہا کہ سالانہ بجٹ قومی امانت ہے، اس حوالے سے اپوزیشن کی جانب سے حکومت پر دباؤ جاری رکھا جائے گا۔

انہوں نے مزید کہا کہ وزیر اعظم کی بیماری پر منفی سیاست نہیں کرنا چاہتے، حکومت کی جانب سے پیش کیے گئے گزشتہ تین بجٹ عوام دوست نہیں تھے۔

انہوں نے حکومت سے مطالبہ کیا کہ بجٹ میں سرکاری ملازمین کی تنخواہوں میں پچیس سے تیس فیصد اضافہ کیا جائے۔

اس موقع پر خورشید شاہ نے وزیراعظم کی جلد صحت یابی اور نیک تمناؤں کا اظہار بھی کیا۔

دوسری جانب وزیراعظم ہاؤس کے ترجمان کی جانب سے وضاحت کی گئی ہے کہ وزیراعظم نوازشریف آئندہ ہونے والے این ایف سی اور بجٹ اجلاس کی ویڈیو لنک کے ذریعے سربراہی کریں گے۔

واضح رہے کہ وزیر اعظم نوازشریف کی طبی رپورٹ خراب آنے پر اُن کے معالجین نے اوپن ہارٹ سرجری کی ہدایت کی ہے۔

 

Comments

comments

یہ بھی پڑھیں