The news is by your side.

Advertisement

پی آئی اے کو ایک اورٹیکہ،نوازشریف کا امیرقطرکیلئے بھینسوں کا تحفہ

اسلام آباد : پی آئی اے کی نجکاری کے درپے حکومت نے قومی ائیر لائن کو ایک اورٹیکہ لگا دیا، وزیر اعظم نواز شریف کی جانب سے امیر قطر کیلئے نایاب ساہیوال نسل کی بھینس کا جوڑا لیکر کارگو طیارے سے کل دوحہ روانہ ہوگا۔ کارگو طیارے کے تمام اخراجات پی آئی اے برداشت کرے گا۔

تفصیلات کے مطابق اربوں روپے خسارے سے دوچار قومی ایئرلائن کو ٹیکہ لگانے کا عمل مسلسل جاری ہے، وزیر اعظم میاں محمد نواز شریف نے قطر سے سستی ایل این جی ملنے پر ساہیوال نسل کی بھینسوں کا تحفہ امیر قطر کی خدمت میں دینے کیلئے خصوصی طیارے کے ذریعے بھجوایا ہے۔

قطر سے سستی ایل این جی کیا آئی بدلے میں حکومت پاکستان نے خالص دودھ دینے والی بھینسوں کا تحفہ دینے کا فیصلہ کیا۔

یہاں تک تو سب اچھا تھا لیکن بات یہاں آکر خراب ہونے لگتی ہے جب پتہ چلتا ہے کہ بھینسوں کو دوحہ بھیجنے کے اخراجات وزیر اعظم صاحب نہیں بلکہ پی آئی اے کو اٹھانا پڑیں گے۔

ایک جانب پی آئی اے کی نجکاری کی کوششوں ہیں اور دوسری جانب حکومت پی آئی اے کو ٹیکوں پر ٹیکے لگانے پر تلی ہوئی ہے پہلے سے خسارے میں چلنے والی ادارے پر مزید خرچوں کا بوجھ ڈال کر اس کا بھٹہ بٹھایا جارہا ہے۔

دوحہ ایئرپورٹ پر کارگو طیارے کے تمام اخراجات پی آئی اے برداشت کرے گا لیکن سوال یہ ہے کہ پی آئی اے کے ساتھ ہونیوالی زیادتی کا کون کس سے پوچھے گا۔

 

Print Friendly, PDF & Email

Comments

comments

یہ بھی پڑھیں