The news is by your side.

Advertisement

بھارت میں قتل کی لرزہ خیز واردات: خوفناک ویڈیو منظرعام پر

مہاراشٹر : بھارت میں قتل کی ایک لرزہ خیز واردات ہوئی ہے جس کی ویڈیو سوشل میڈیا پر وائرل ہوگئی، دیکھنے والے صارفین ہکا بکا رہ گئے۔

بھارتی ریاست مہاراشٹرا کے علاقے شاردا نگر میں بلڈر کو گھر کے باہر گولی مار کر ہلاک کردیا گیا۔واردات اتنی تیزی سے کی گئی کہ مقتول کو سنبھلنے کا بھی موقع نہ مل سکا۔

بھارتی میڈیا کے مطابق گزشتہ روز ایک بلڈر کو اس کے گھر کے باہر دو موٹرسائیکل سوار مسلح ملزمان نے گولی مار کر ہلاک کر دیا، حملہ صبح11 بجے کے قریب شاردا نگر میں ہوا۔

بلڈر سنجے بیانی اپنی گاڑی سے باہر نکل کر گھر کے دروازے کے پاس پہنچنے والے تھے کہ ان پر اندھا دھند فائرنگ کردی گئی۔

قتل کی واردات جائے واردات پر لگے سی سی ٹی وی کیمرے میں ریکارڈ ہوگئی، جس میں دیکھا جاسکتا ہے کہ سیاہ لباس میں ملبوس ہیلمٹ پہنے دو ملزمان موٹر سائیکل پر پہنچے اور بلڈر کو گاڑی سے باہر نکلتے ہی گولیاں مار دیں۔

واردات کے بعد دونوں ملزمان بلڈر کو سڑک پرتڑپتا چھوڑ کر اپنی موٹر سائیکل پر جائے وقوعہ سے فرار ہونے میں کامیاب ہوگئے۔

اس حوالے سے پولیس کا کہنا ہے کہ رئیل اسٹیٹ ڈویلپر کے قتل کے پیچھے جو محرکات ہیں ان پر تفتیش کی جارہی ہے تاہم ابھی وثوق سے کچھ نہیں کہا جاسکتا۔

پولیس نے بتایا کہ موٹر سائیکل سوار مسلح افراد نے بلڈر کو 8سے 10گولیاں ماریں جس کے سبب اس نے موقع پر ہی جان دے دی، ملزمان کی گرفتاری کے لیے چھاپے مارے جا رہے ہیں۔

Comments

یہ بھی پڑھیں