The news is by your side.

‏’نسلہ ٹاور کے بلڈرز کو پکڑنا چاہئے، ہمدردیاں ساتھ ہیں‘‏

ایڈمنسٹریٹرکراچی مرتضیٰ وہاب نے کہا ہے کہ نسلہ ٹاور کے بلڈرز کو پکڑنا چاہئے عدالتی فیصلے کے بعد میں ‏بحیثیت ایڈمنسٹریٹر کچھ نہیں کر سکتا۔

میڈیا سے گفتگو کرتے ہوئے مرتضیٰ وہاب نے کہا کہ کراچی شہر کو امن کا اور رونقوں کا شہر بنائیں گے مسئلے ‏کو حل کرنےکیلئے ہم ہرشخص کیساتھ بیٹھنےکو تیار ہیں۔

مرتضیٰ وہاب نے کہا کہ نسلہ ٹاور کے مکینوں کے ساتھ کھڑا ہوں، عدالتی فیصلےکےبعدمیں بحیثیت ایڈمنسٹریٹر ‏کچھ نہیں کرسکتا عدالت کے فیصلےکے سامنے کیا جا سکتا ہے؟

عدلیہ سے درخواست ہے نسلہ ٹاور گرانے کا فیصلہ نہ کریں، سلمان اقبال

دوسری جانب وزیراطلاعات و محنت سندھ سعید غنی کا کہنا ہے کہ مظاہرین پرپولیس تشددکی مذمت کرتا ہوں ‏تشدد کا جیسے ہی پتہ چلا پولیس کو کارروائی سے روک دیا۔

سعیدغنی نے کہا کہ عدالتی فیصلے اچھے لگیں یا نہیں عملدرآمد کرانا پڑتا ہے نسلہ ٹاور جاکر مزیدصورتحال ‏کا جائزہ لوں گا میری ہمدردیاں نسلہ ٹاور والوں کےساتھ ہیں۔

Comments

یہ بھی پڑھیں