site
stats
پاکستان

لاڑکانہ : دومنزلہ عمارت منہدم ، ملبے تلے دب کردوافراد جاں بحق

لاڑکانہ :  دومنزلہ عمارت منہدم ہوگئی، جس کے نتیجے میں ملبے تلے دب کردوافراد جاں بحق ہوگئے۔

تفصیلات کے مطابق لاڑکانہ کے باقرانی روڈ پر ایک عمارت کی تعمیر کے لئے بیس میں کھدائی کی گئی تھی، جس کے قریب ہی ایک اور عمارت کمزور ہونے کے باعث مہندم ہوگئی۔ جس کے نتیجے میں مہندم ہونے والی عمارت کے اوپر بیٹھے دو مزدور ملبے میں دب کر زخمی ہوگئے۔

، عمارت کے انہدام کی خبرملتے ہی اہل محلہ، پولیس اور ریسکیو اہلکاروں نے موقع پر پہنچ کر امدادی کارروائیوں کا آغاز کیا جو تاحال جاری ہیں ، پولیس اہلکاروں اور امدادی رضاکاروں نے مقامی افراد کی مدد سے ملبے تلے دبے دو زخمیوں کو نکال کر چانڈکا اسپتال کے ایمرجنسی وارڈ منتقل کیا گیا جہاں وہ دم توڑ گئے۔

پولیس کے مطابق ہلاک شدگان مزدوروں کا تعلق مظفرگڑھ سے تھا، جو یہاں بیکری پر مزدوری کرنے آئے تھے۔


مزید پڑھیں : ملتان میں زیرِ تعمیر عمارت کا کچھ حصہ منہدم، 2 ہلاک، 8 زخمی


ڈپٹی کمشنر لاڑکانہ کاشف ٹیپو اور دیگر افسران نے دورا کیا، اس حوالے سے اے ایس پی عمران خان کا کہنا تھا کہ مہندم عمارت کے نیچے صرف دو مزدور دب کر جاں بحق ہوئے البتہ تمام ملبہ ہٹانے تک امدادی کاروائی جاری رکھی جائے گی۔ ان کے مطابق اگر حادثے میں کسی کی غفلت سامنے آئی تو کاروائی کی جائے گی۔

اہل محلہ کا کہنا ہے منہدم ہونے والی عمارت کے ساتھ نئی عمارت کی تعمیر کیلئے کھدائی کی جارہی تھی۔

 

Print Friendly, PDF & Email
20

Comments

comments

loading...

Most Popular

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top