The news is by your side.

Advertisement

کراچی میں عمارت گر گئی‘ 2 ہلاک‘ 5 زخمی

کراچی:شہرقائد کے علاقے نیلم کالونی میں عمارت گرنے سے خاتون سمیت دو افراد جاں بحق اور پانچ زخمی ہوگئے، ریسکیو ذرائع کا کہنا ہے کہ تنگ گلیوں کی وجہ سےامدادی کاموں میں دقت کا سامنا کرنا پڑرہا ہے.

تفصیلات کے مطابق بدھ کے روز کلفٹن کے علاقے نیلم کالونی میں دو منزلہ گھر کی چھت گرنے کے باعث 2 افراد جاں بحق جبکہ 7 زخمی ہوگئے. افسوسناک واقعہ کے فوری بعد اہل علاقہ پہنچ گئے اور اپنی مدد آپ کے تحت ملبہ ہٹانے کا کام شروع کردیا،

ریسکیو ذرائع کا کہنا ہے کہ جائے حادثہ پر امدادی سرگرمیاں موقع پر فراہم کی گئی تاہم تنگ گلیوں کی وجہ سےامدادی کاموں میں دقت کا سامنا کرنا پڑا ، ہیوی مشینری نہ پہنچنے کے باعث ہاتھوں سے ملبہ ہٹایا گیا، جو کام میں تاخیر کا سبب بنا.

امدادی ٹیموں نے ملبے سے چھ افراد کو نکال کر اسپتال منتقل کیا، جہاں خاتون سمیت دو افراد نے زخموں کی تاب نہ لاتے ہوئے دم توڑ دیا جبکہ ملبے میں سے مزید افراد کو نکالنے کی کوشش جاری ہیں‌.

دوسری جانب پولیس کا کہنا ہے کہ عمارت گیس بھرنے کی وجہ سے منہدم ہوگئی، گیس بھرنے سے دھماکا ہوا جس کے باعث گھر گرگیا، حادثے کی وجہ سے اطراف موجود گھروں کوبھی جزوی نقصان پہنچا ہے،پولیس کا کہنا ہے کہ مخدوش عمارتوں کے رہائشیوں کو وقتی طورپرہٹا دیا گیا ہے .

واضح رہے کہ جاں بحق ہونے والوں میں پچیس سالہ عظیم اور پینسٹھ سالہ زینب جبکہ زخمیوں میں سلیم مسیح، شبانہ مسیح ، انتھونی، دانیال اور عامر شامل ہیں، پاکستان تحریک انصاف کے رہنما اور ایم پی اے خرم شیرزمان نے موقع پر پہنچ امدادی کارروائیوں کا جائزہ لیا.

Print Friendly, PDF & Email

Comments

comments

یہ بھی پڑھیں