The news is by your side.

Advertisement

کراچی : مخدوش عمارت کی چھت گرنے سے میاں بیوی جاں بحق، دو بچیاں زخمی

کراچی : کھارادر مچھی میانی مارکیٹ میں رہائشی عمارت کی چھت گرنے سے میاں بیوی ملبے تلے دب کر جاں بحق ہوگئے جبکہ ان کی 2 کم سن بیٹیاں زخمی ہوگئیں۔

تفصیلات کے مطابق کراچی کے علاقے کھارا در میں ایک مخدوش عمارت کی چھت گر گئی، جس کے نتیجے میں عمارت میں رہائش پذیر خاندان اس کی زد میں آگیا.

حادثے میں میاں بیوی جان کی بازی ہار گئے جبکہ ان کی دوبیٹیاں شدید زخمی ہوگئیں، اطلاع ملتے ہی ایدھی ایمبولینس، پولیس اور فائر بریگیڈ کی گاڑیاں موقع پر پہنچیں اور علاقہ مکینوں کی مدد سے امدادی کام شروع کیا۔

رضا کاروں نے ایک الماری کے نیچے دبی دو بچیوں کو بحفاظت نکال کر سول اسپتال منتقل کیا۔ بچیوں کی شناخت 10 سالہ زینب دختر اکرم اور 8 سالہ ثنیعہ کے نام سے ہوئی ہیں۔

ایک گھنٹے بعد بچیوں کے والد 35 سالہ محمد اکرم کو ملبے سے نکال کر اسپتال پہنچایا گیا جہاں ڈاکٹروں نے ان کی موت کی تصدیق کردی۔

آدھے گھنٹے بعد پولیس نے اکرم کی اہلیہ30 سالہ نازیہ کو بھی نکال لیا جہاں ڈاکٹروں نے اس کی موت کی بھی تصدیق کر دی۔

متوفی محمد اکرم کا موت سے قبل گفتگو کرتے ہوئے کہنا تھا کہ وہ محنت مزدوری کر کے بمشکل اپنے بچوں کا پیٹ پالتے ہیں، کرائے کا گھر لینے کے لیے ان کے پاس رقم نہیں ہے۔

اس حوالے سے پولیس کا کہنا ہے کہ عمارت کو مخدوش قرار دینے کے باجود خاندان غربت کے باعث رہائش پذیر تھا۔

Comments

comments

یہ بھی پڑھیں