تازہ ترین

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

بونیر : سوال کرنے پر اُکسانے والی فانوس لائبریری

بونیر : خیبر پختونخوا کے علاقے بونیر کے نوجوان نے علم کے فروغ کے بیڑہ اٹھا لیا، شبنم بونیری کا کہنا ہے کہ ان کی "فانوس لائبریری” میں سوالات کی پرورش ہوتی ہے۔

اے آر وائی نیوز کے مارننگ شو باخبر سویرا میں شبنم بونیری نے اپنے علم دوست اقدام کے اغراض و مقاصد سے ناظرین کو آگاہ کیا اور اس مثبت فوائد بتائے۔

ان کا کہنا تھا کہ بونیر میں واقع یہ لائبریری ایسی جگہ ہے جہاں نوجوان اکٹھے ہوکر ایسے موضوعات پر بحث کرتے ہیں جن پر عام حالات میں بات کرنا معمول نہیں۔

شبنم بونیری نے اے آر وائی نیوز سے گفتگو کرتے ہوئے بتایا کہ یہاں نہ صرف نوجوان کتاب تک مفت رسائی حاصل کرتے ہیں بلکہ وہ سیاست سے لے کر تاریخ و فلسفے تک ہر موضوع پر بلا کسی روک ٹوک کے آزادانہ بحث کرسکتے ہیں۔

ان کا کہنا تھا کہ یہاں پر بنیادی طور پر سوالوں کی پرورش ہوتی ہے، ہم سمجھتے ہیں کہ سوال سب سے مقدس ہے اور ہم لوگوں میں سوال کرنے کی جرات پیدا کرنے کی کوشش کر رہے ہیں۔

شبنم کا کہنا تھا کہ ہم سمجھتے ہیں کہ لوگوں میں تنقیدی شعور اور دوسروں کی رائے کا احترام اجاگر کرنے کے لئے کتاب اور مکالمہ کو جہالت اور عدم برداشت کے متبادل کے طور پر استعمال کیا جاسکتا ہے۔

انہوں نے کہا کہ بونیر کی بارہ لاکھ آبادی کے لیے یہ واحد لائبریری ہے جہاں پر تین ہزار سے زائد کتابیں موجود ہیں۔ مختلف موضوعات پر ہم تفصیلی بحث کرتے ہیں اور اس کے بعد وکلا اور دیگر مکتبہ فکر سے تعلق رکھنے والے افراد سے بھی گفت و شنید کی جاتی ہے اور مسئلے کے نتائج پر ہم پہنچ جاتے ہیں۔

Comments

- Advertisement -