The news is by your side.

Advertisement

برہان وانی کشمیر کی تحریک آزادی کا درخشندہ ستارہ تھے، سردار مسعود خان

مری: آزاد کشمیر کے صدر سردار مسعود خان نے کہا ہے کہ برہان مظفر وانی شہید کشمیر کی تحریک آزادی کا وہ درخشندہ ستارہ ہے جو کشمیر سمیت دنیا بھر میں آزادی اور حریت کے لیے بر سر پیکار نوجوانوں کے ہیرو اور رول ماڈل بن چکے ہیں۔

اپنے ایک بیان میں سردار مسعود خان کا کہنا تھا کہ مظفر وانی نے اپنے جان کا نذرانہ پیش کر کے تحریک آزادی کشمیر کو نئے مہمیز اور جہت عطا کی اور کشمیری نوجوانوں کے اندر ایسا جذبہ پیدا کیا کہ آج اُن میں سے ہر ایک برہان مظفر وانی بننا چاہتا ہے۔

انہوں نے کہا کہ مقبوضہ کشمیر میں لڑی جانے والی جنگ پاکستان کی جنگ ہے اور پاکستان کو یہ جنگ اپنانا ہوگی، کشمیریوں نے بھارت کے ساتھ رہنے کے آپشن کو ہمیشہ کے لیے خیر آباد کہہ دیا ہے اگر کشمیریوں نے بھارت کے ساتھ رہنا ہوتا تو پھر جنگ کس بات کی اور قربانیاں دینے کی کیا ضرورت ہے۔

صدر آزاد کشمیر نے کہا کہ آج بھی مقبوضہ کشمیر کی سڑکوں اور گلیوں میں ہزاروں نوجوان پاکستان کا سبز ہلالی پرچم اُٹھا کر جب پاکستان کے حق میں نعرے بلند کرتے ہیں اور اس دوران اپنے سینے پر گولیاں کھا کر اسی پرچم کو کفن بنا کر دفن ہو جاتے ہیں تو یہ دہلی کے حکمرانوں کے لیے واضح اور دو ٹوک پیغام ہے کہ کشمیریوں نے بھارت کے ساتھ رہنے کے آپشن کو ہمیشہ کے لیے دفن کر دیا ہے۔

ان کا مزید کہنا تھا کہ کشمیری اکہتر سال سے جدوجہد کر رہے ہیں، لڑ رہے ہیں اور مر رہے ہیں لیکن انہوں نے ایک لمحہ کے لیے بھی یہ نہیں کہا کہ وہ تھک گئے ہیں۔

Comments

یہ بھی پڑھیں