The news is by your side.

ویڈیو: رمضان المبارک میں برج الخلیفہ پر اذان کے الفاظ نمایاں

دبئی: رمضان المبارک میں دنیا کی سب سے اونچی عمارت برج الخلیفہ پر اذان کے الفاظ نمایاں ہوگئے جس کی ویڈیو سوشل میڈیا کے مختلف پلیٹ فارمز پر خوب وائرل ہو رہی ہے۔

برج الخلیفہ پر ماہ رمضان میں مغرب اور عشا کی اذان کے ساتھ ساتھ الفاظ روشن ہوتے ہیں۔ برج الخلیفہ کی آفیشیل ٹوئٹ میں بتایا گیا کہ یہ اذان مختلف اماموں کی آواز میں دی جا رہی ہے اور یہ سلسلہ آخری روزے تک برقرار رہے گا۔

ویڈیو میں دیکھا جا سکتا ہے کہ برج الخلیفہ پر اذان کے الفاظ نظر آ رہے ہیں، پسِ منظر میں اذان کی آواز بھی سنائی دے رہی ہے۔

اسی طرح نیو یارک کے ٹائمز اسکوئر پر رمضان المبارک کے آغاز پر سینکڑوں مسلمانوں کو روزہ افطار کرایا گیا اور وہی تراویح کی ادائیگی بھی ہوئی۔

اس سے قبل برج الخلیفہ پر آسٹریلیا کے جنگلات میں‌ لگنے والی ہولناک آگ کے متاثرین سے اظہار یکجہتی کے لیے پیغامات آویزاں کیے گئے تھے۔

برج الخلیفہ پر اظہار یکجہتی کے حوالے سے کلمات آویزاں ہوئے اور پھر یہ اندھیرے میں ڈوب گئی تھی۔ اس اقدام کا  مقصد آسٹریلیا میں ہونے والی آتشزدگی سے متاثرہ افراد سے یکجہتی کا اظہار کرنا تھا۔

Comments

یہ بھی پڑھیں