The news is by your side.

Advertisement

جھنگ میں ٹریفک حادثہ، 13 افراد جاں بحق

جھنگ: جھنگ میں مسافر بس ڈرائیور کی تیز رفتاری نے 13 افراد کی جان لے لی،بد نصیب بس مسافروں کو لے کرخوشاب سے جھنگ جا رہی تھی۔

تفصیلات کے مطابق مسافر بس خوشاب سے جھنگ آرہی تھی،راستے میں ریت کے طوفان آنے کا باوجود مذکورہ بس ڈرائیور تیز رفتاری سے باز نہیں آیا،جس کے باعث سامنے سے آتے ٹرک سے ٹکراؤ ہوگیا،تصادم اتنا شدید تھا کہ بس سامنے سے مکمل تباہ ہوگئی،افسوسناک حادثہ میں 13 افراد جاں بحق ہوگئے۔

Jhang

ٹریفک حادثے کے بعد جائے وقوعہ پر ریسکیو ٹیمیں پہنچ گئیں،اور زخمیوں کو فوری طور پر ڈسٹرکٹ ہیڈ کوارٹر ہسپتال جھنگ منتقل کردیا گیا،جہاں ڈاکٹرز نے 13 افراد کے جاں بحق ہونے کی تصدیق کردی، جبکہ دیگر زخمیوں کو فوری طبی امداد دی جا رہی ہے۔

rescue

زخمی مسافروں نے واقعہ کی تفصیلات بتاتے ہوئے کہا کہ حادثہ تیز رفتاری کے باعث پیش آیا، ریتیلے طوفان کے باعث سامنے سے آتا ٹریفک صاف نظر نہیں آرہا تھا،اس کے باوجود بس ڈر ائیور نے بس کی رفتار کم نہیں کی،جس کی وجہ سے سامنے سے آتے ٹرک سے بس کا تصادم ہو گیا۔

وزیرِ اعلیٰ پنجاب شہباز شریف نے واقعہ پر افسوس کا اظہار کیا ہے،انہوں لواحقین سے تعزیت کی اور ہسپتال انتظامیہ کو زخمیوں کے علاج معالجہ میں کوئی کسر نہ اُٹھا رکھنے کی ہدایات جاری کیں۔

Comments

comments

یہ بھی پڑھیں