مدینہ منورہ میں بس اور ٹرک میں خوفناک تصادم کے نتیجے میں 4 افراد جاں بحق ہوگئے۔
عرب میڈیا کے مطابق گزشتہ رات مدینہ منورہ کی الحجرہ ہائی وے پر بس اور ٹرک میں تصادم ہوا جس کے نتیجے میں 4 افراد جاں بحق اور 48 سے زائد زخمی ہوگئے۔
عرب میڈیا کا بتانا ہے کہ بس میں 40 سے زائد افراد سوار تھے اور حادثہ الیتمیٰ ٹاؤن کے نزدیک پیش آیا جس میں متعدد افراد زخمی بھی ہوئے۔
حادثہ اتنا خطرناک تھا کہ بس کا اگلا حصہ مکمل طور پر تباہ ہوگیا۔
حادثے میں معمولی زخمی ہونے والوں کو جائے حادثہ پر ہی طبی امداد دی گئی جبکہ دیگر شدید زخمیوں کو مدینے کے اسپتال منتقل کردیا گیا۔
حادثے کی وجوہات فوری طور پر معلوم نہیں ہوسکیں۔
