مغربی ترکیہ کے علاقے میں بس حادثے کے نتیجے میں 8 افراد ہلاک جبکہ درجنوں افراد زخمی ہوگئے ہیں، حادثہ تیز رفتاری کے باعث پیش آیا۔
غیر ملکی خبر رساں ادارے کی رپورٹ کے مطابق مغربی ترکیہ میں ایک مسافر بس سڑک سے ٹکرا کر الٹ گئی جس کے نتیجے میں کم از کم آٹھ افراد ہلاک اور درجنوں زخمی ہو گئے۔
افیونکاراہیسر صوبے کے گورنر کے ترجمان نے بتایا کہ بس جنوب مشرقی صوبے دیار باقر سے ایجین شہر بودرم جا رہی تھی۔ وزیر صحت فرحتین کوکا نے ٹویٹ کیا کہ 42 افراد زخمی ہوئے جن میں سے تین کی حالت نازک ہے۔
جائے وقوعہ سے آنے والی ویڈیوز میں ایمبولینسوں کو قطار میں کھڑا اور ایک کرین کو بس کو اٹھائے ہوئے دکھایا گیا ہے۔
ٹوٹے ہوئے بازو کے ساتھ ایک زخمی مسافر نے سرکاری خبر رساں ادارے کو بتایا کہ جب بس کو حادثہ پیش آیا تو میں اس وقت نیند میں تھا، انہوں نے کہا کہ لوگ بس کے نیچے پھنس گئے تھے۔
