جیکی چن کی نئی فلم کی شوٹنگ نے لوگوں کو ہلا کر رکھ دیا

لندن : جیکی چن اپنے ایکشن کیلئے جانے جاتے ہیں لیکن ان کی نئی فلم کیلئے ایکشن شوٹ کیا گیا جس نے شہریوں کو خوف میں مبتلا کردیا ، لندن کے بیچوں بیچ برج پر سے جاتے ہوئی بس کو دھماکہ خیز مواد سے اڑادیا گیا۔

جیکی چن اپنی نئی آنیوالی ایکشن فلم دی فارنرکی عکسبندی میں مصروف تھے اور فلم کی ایک منظر میں برطانوی پارلمنٹ کے قریب ہوئے اس دھماکے کو لوگ دہشتگردی کا واقعہ قرار دے ہی رہے تھے کہ اچانک معلوم ہوا کہ یہ تو جیکی چن کی نئی فلم کا سین ہے، جس میں سیاحوں کی بس کو بم دھماکے سے اڑایا جاتا ہے، اس منظر کو دیکھ کر لوگوں میں خوف وہراس پھیل گیا۔

زور دار دھماکے کی آواز سن کر لوگ سمجھے کہ شہر میں دہشت گردی کا کوئی واقعہ رونما ہو گیا ہے۔بعد ازاں حقیقت کا علم ہونے پر لوگوں کے حواس بحال ہوئے اور جیکی چن کی فلم کی شوٹنگ کا سن کر سب نے چین کا سانس لیا۔

Comments