نیویارک: امریکا کی شمال مشرقی ریاست میں بس کو خوفناک حادثہ پیش آیا جس کے نتیجے میں خوش قسمتی سے ڈرائیور اور 56 سالہ خاتون مسافر معمولی زخمی ہوئیں۔
امریکی میڈیا رپورٹس کے مطابق امریکا کی شمال مشرقی ریاست پنسلوانیا کے شہر پٹسوبرگ میں بس سڑک پر سے گزر رہی تھی کہ اس دوران گہرا گڑھا ہوا جس میں گاڑی گری گئی۔
پولیس حکام کے مطابق حادثے میں تمام مسافر محفوظ رہے البتہ ڈرائیور اور 56 سالہ مسافر خاتون کو معمولی چوٹیں آئیں جنہیں ابتدائی طبی امداد کے بعد اسپتال سے گھر منتقل کردیا گیا۔
پٹسو برگ سٹی کے حکام نے گڑھے سے بس کو نکالنے کے لیے ریسکیو آپریشن کیا جس کی ویڈیو ٹویٹر کے آفیشل اکاؤنٹ پر شیئر کی گئی جو سوشل میڈیا پر وائرل ہوگئی۔
Busy day on Tenth Street in @DowntownPitt today.
Thanks to our @PghPublicSafety Bureaus, @pgh2o, @PGHtransit, @PGHTransitPD, & many other partners for your efforts today.
Thanks to the public for your patience. Please stay clear of the area for the foreseeable future. pic.twitter.com/W13QOQNh4r
— City of Pittsburgh (@CityPGH) October 29, 2019
رپورٹ کے مطابق گڑھے میں گرنے والی بس کو دو کرینوں کی مدد سے باہر نکالا گیا جس کے بعد اُسے گیراج منتقل کردیا، حکام نے سڑک پر ہونے والے گڑھے کو بھرنے کے اقدامات بھی شروع کردیے۔
پبلک سیفٹی ڈائریکٹر وینڈیل کا کہنا تھا کہ بس کے ساتھ پیش آنے والا حادثہ اتفاقی تھا، ڈرائیور گاڑی کو تیسری لین پر چلا رہا تھا۔