The news is by your side.

Advertisement

معروف اداکارہ نے مرحوم والد کی یادگار تصویر شیئر کردی

پاکستانی فلم اور ڈرامہ انڈسٹری کی سینئر اداکارہ بشریٰ انصاری نے اپنے مرحوم والد، پروڈیوسر احمد بشیر کی تصویر سوشل میڈیا پر شیئر کردی۔

سینئر اداکارہ بشریٰ انصاری نے اپنے سوشل میڈیا اکاؤنٹ انسٹا گرام پر اپنے والد کی 6 دہائیوں پرانی تصویر شیئر کی، تصویر میں دیکھا جا سکتا ہے اُن کے والد فلم کی شوٹنگ میں مصروف ہیں اور ہدایت کاری کے فرائض انجام دے رہے ہیں۔

بشریٰ انصاری نے تصویر شیئر کرتے ہوئے کیپشن میں بتایا ہے کہ ’میرے والد مرحوم احمد بشیر، پروڈیوسر اور ڈائریکٹر فلم ’نیلا پربت‘ فلم بناتے ہوئے۔‘

انہوں نے مزید لکھا کہ ’فلم ’نیلا پربت‘ 60 کی دہائی کی پاکستان کی بہترین فلموں میں سے ایک ہے۔‘

اس پوسٹ کے کمنٹ باکس میں مداحوں کی جانب سے بشریٰ انصاری اور اُن کے والد کی صلاحیتوں اور کام کی تعریف کی جا رہی ہے۔

مداح اداکارہ کے والد کے درجات کی بلندی کے لیے دعا بھی کررہے ہیں۔

Comments

یہ بھی پڑھیں