The news is by your side.

Advertisement

رواں مالی سال کے دوران ٹریکٹرز کی برآمدات میں کتنے فیصد اضافہ ہوا؟

اسلام آباد: مشیر تجارت رزاق داؤد نے ٹریکٹرز کی ریکارڈ فروخت پر انڈسٹری کو مبارک باد پیش کی ہے۔

تفصیلات کے مطابق سماجی رابطے کی ویب سائٹ ٹوئٹر پر جاری اپنے بیان میں مشیر تجارت رزاق داؤد نے کہا کہ ٹریکٹر کی صنعت برآمدی شعبےکی نمایاں صنعت ہے، مجھے خوشی ہے کہ مالی سال 2020-21 کے پہلے چھ ماہ میں فروخت ہونے والے ٹریکٹروں کی تعداد 43 فیصد اضافے سے 21،800 یونٹس ہوگئی جبکہ مالی سال 2019۔20 کے اسی عرصے میں فروخت شدہ 15،200 یونٹ تھی، جو گذشتہ سال کے مقابلے میں 6،600 یونٹ زائد ہے۔

اپنے سلسلہ وار ٹوئٹ میں مشیر تجارت نے کہا کہ مالی سال 2020-21 کی پہلی ششماہی کے دوران ٹریکٹروں کی برآمد میں اضافہ اس سے بھی زیادہ حوصلہ افزا ہے،خاص طور پر ملت ٹریکٹر جن کی برآمدات 68 فیصد اضافے کے ساتھ 6.9 ملین امریکی ڈالر تک جاپہنچے جبکہ پچھلے سال کے دوران یہ 4.1 ملین امریکی ڈالر تھے۔

مشیر تجارت نے اپنے سلسلہ وار ٹوئٹ میں کہا کہ نمبرز کے لحاظ سے ملت کمپنی نے مالی سال 2020-21 کی پہلی ششماہی کے دوران 850 ٹریکٹر برآمد کیے جبکہ پچھلے سال 500 ٹریکٹروں کے مقابلے میں یہ تعداد 70 فیصد زائد ہے، اس تاریخی موقع پر میں ٹریکٹر مینوفیکچرنگ انڈسٹری کو اس عمدہ کارکردگی پر مبارکباد پیش کرتا ہوں۔

Comments

یہ بھی پڑھیں