site
stats
اے آر وائی خصوصی

سال 2016 کی اہم تجارتی خبریں

سال 2016 کے اختتام پر پاکستان میں کاروبار کے حوالے سے رواں سال جو اہم فیصلے اور خبریں منظر عام پر آئیں
ان میں سے چند ایک کا احوال جاننے کی کوشش کرتے ہیں۔

سی پیک منصوبہ

سی پیک منصوبہ دنیا میں جاری اس وقت سب سے بڑا ترقیاتی منصوبہ ہے، 46 ارب ڈالر مالیت کا پاک چین اقتصادی راہداری منصوبہ پاکستان کو تیز رفتاراقتصادی ترقی کی شاہراہ پر لے جائے گا، طویل، کشادہ اورمحفوظ سڑکیں، توانائی کے منصوبے، انڈسٹریل پارکس اور گوادر بندرگاہ کا منصوبہ جس کی تکمیل دہشت گردی کے خلاف جنگ سے متاثرہ پاکستان کے لیے روشن مستقبل کی نوید ہے۔

چین سے سامان تجارت لے کر آنے والے قافلے کا مغربی روٹ سے ہو کر بحفاظت گوادر پہنچنا اور چینی بحری جہاز کا گوادر کی بندر گاہ سے پہلی بار تجارتی سامان لے کر روانگی ملکی تاریخ کا یقیناً وہ سنہرا دن ہے جس پر پوری قوم کو سجدہ شکر ادا کرنے کی ضرورت ہے۔29  اگست 2016 کو وزیر اعظم پاکستان میاں نوز شریف نے سی پیک سمٹ کا افتتتاح کیا۔

: فروری

کراچی میں گرین لائنز بس سروس منصوبے کا سنگ بنیاد

وزیراعظم محمد نواز شریف نے 26 فروری بروز جمعہ کو کراچی میں گرین لائنز بس سروس منصوبے کا سنگ بنیاد رکھا۔

6

منصوبہ ایک سال میں مکمل ہو گا جس کے بعد یومیہ تقریباً تین لاکھ مسافر اس سے مستفید ہو سکیں گے۔ منصوبے پر 16 ارب ساڑھے 8 کروڑ روپے لاگت آئے گی اور یہ رقم وفاقی حکومت فراہم کرے گی۔

مزید پڑھیں: گرین لائن منصوبے کا سنگِ بنیاد، وزیراعظم کا کراچی کونظرانداز نہ کرنے کا عزم

:مارچ

 پرانے ڈیزائن کے نوٹوں کی قانونی حیثیت ختم

اسٹیٹ بینک نے یکم دسمبر سے مختلف کرنسی نوٹوں کی قانونی حیثیت ختم کردی، جس میں دس پچاس سو اور ایک ہزار کے نوٹ شامل ہیں۔

10

مزید پڑھیں : یکم دسمبر 2016ء سے پرانے ڈیزائن کے نوٹوں کی قانونی حیثیت ختم ہو جائے گی، اسٹیٹ بینک

: اپریل

پاک چین اقتصادی راہداری سے معیشت کو فروغ ملے گا، موڈیز

دوسری جانب عالمی ریٹنگ ایجنسی موڈیز کا اپنی رپورٹ میں کہنا تھا کہ پاک چین اقتصادی راہداری منصوبہ معیشت کو مزید فروغ دے گا۔ ٹیکس وصولیوں اورمالی معاملات میں بہتری کا بھی باعث بنے گا۔

4

مزید پڑھیں: پاک چین راہداری معاشی شرح نمو میں اضافے کا سبب بنے گی: موڈیز

:مئی

گرین لائن میٹرو منصوبے کے روٹ میں توسیع

وفاقی حکومت نے گرین لائن میٹرو منصوبے کے روٹ میں مزید توسیع دیتے ہوئے اخراجات خود برداشت کرنے کا اعلان کیا ہے۔

گرین لائن بس کا منصوبہ جو پہلے سرجانی ٹاؤن سے گرومندر، ایم اے جناح روڈ سے گزر کر ٹاور جانا تھا، تاہم منصوبے کے روٹ میں توسیع کا فیصلہ کرکے مزید علاقوں برنس روڈ، پاکستان چوک اورسندھ سیکریٹریٹ کو گرین لائن بس کے روٹ میں شامل کرلیا گیا ہے۔

7

مزید پڑھیں: کراچی: گرین لائن میٹرو بس کے روٹ میں توسیع کا فیصلہ

:جون

 پاک چائنا اقتصادی راہداری کے ڈائریکٹر پروجیکٹ میجر جنرل (ر) ظاہر شاہ نے کہا کہ پاک چائنا راہدری ملک میں ترقی کے نئے دور کے لیے سنگ میل ثابت ہوگی۔

انہوں نے کہا کہ 9 ہزار جوانوں پر مشتمل ایک فوجی دستہ اور 6 ہزارپولیس اہلکار پاک چائنا اقتصادی راہداری کی حفاظت پر مامور ہیں جو کہ خصوصی سیکیورٹی ڈویژن بھی ہے۔

2

مزید پڑھیں : پاک چائنا اقتصادی راہداری ترقی کا  پیش خیمہ ثابت ہوگی، ڈائریکٹر سی پیک

:جولائی

خیبر پختون خوا میں تیل و گیس کے ذخائر دریافت

پاکستان پیٹرولیم لمیٹڈ (پی پی ایل ) نے خیبر پختون خوا مکوری فائیو میں تیل و قدرتی گیس کے نئے ذخائر کی دریافت کا اعلان کیا، جاری کردہ اعلامیہ کے مطابق نئے ذخائر سے یومیہ 2800 بیرل تیل اور 19.26 مکعب فٹ قدرتی گیس حاصل کی جاسکے گی۔

14

مزید پڑھیں: خیبر پختونخوا میں تیل و گیس کے نئے ذخائر دریافت

: اگست

پا ک چین اقتصادی راہداری نمائش کا افتتاح

وزیراعظم نواز شریف نے وفاقی دارالحکومت میں منعقد ہونے والے ایک روزہ پا ک چین اقتصادی راہداری نمائش کا افتتاح کیا۔ وفاقی دارالحکومت اسلام آباد میں ایک روزہ ’سی پیک سمٹ ‘ کانفرنس کا افتتاح وزیراعظم نواز شریف نے ’پاک چین دوستی مرکز‘میں کیا۔

1

مزید پڑھیں : وزیراعظم نے’سی پیک‘ سمٹ کا افتتاح کردیا

:اکتوبر

پاکستان اسٹاک ایکسچینج کا تاریخی سنگ میل

ماہ اکتوبر میں پاکستان اسٹاک ایکسچینج نے ایک اہم اور تاریخی سنگ میل عبور کیا، کے ایس ای ہنڈریڈ انڈیکس پہلی بار اکتالیس ہزار پوائنٹس کی سطح کراس کر گیا۔

مزید پڑھیں : پاکستان اسٹاک ایکسچینج میں نیا تاریخی سنگ میل عبور

A Pakistani stockbroker talks on a phone as he watches the latest share prices during a trading session at the Pakistan Stock Exchange (PSE) in Karachi on January 14, 2016. The benchmark PSE-100 index ended down 593.74 points at 31560.43 in midday trade. AFP PHOTO / RIZWAN TABASSUM / AFP PHOTO / RIZWAN TABASSUM

 :اکتوبر

اسٹیٹ بینک کے مختلف شعبے کراچی سے منتقل کرنے کا فیصلہ

اسٹیٹ بینک کے گیارہ میں سے پانچ شعبے کراچی سے لاہور،کوئٹہ اور پشاور منتقل کرنے کا فیصلہ کیا گیا۔ ترجمان اسٹیٹ بینک کے مطابق یہ فیصلہ بینکنگ سروسز کارپوریشن کی کارکردگی کو بہتر کرنے کیلئے کیا گیا۔

9

ان پانچ شعبوں کا کچھ حصہ جنوبی مارکیٹ کی ضرورریات کیلئے کراچی میں ہی رکھا جائے گا۔ جبکہ اسٹیٹ بینک کا ہیڈ آفس یا صدر دفتر کا کوئی شعبہ کراچی سے کسی اور شہر منتقل نہیں کیا جائے گا

مزید پڑھیں : اسٹیٹ بینک کے5 شعبے لاہور، کوئٹہ اور پشاور منتقل کرنے کا فیصلہ

دس روپے کا سکّہ جاری

اسٹیٹ بینک نے دس روپے کا سکّہ جاری کردیا، مرکزی بینک کا کہنا ہے کہ سکّے کے ساتھ ساتھ دس روپے کا نوٹ بھی استعمال میں رہے گا۔

11

مزید پڑھیں: اسٹیٹ بینک نے 10روپے کا سکّہ جاری کردیا

:نومبر

 ماہ نومبر میں پاک چین راہداری منصوبہ کے تحت باقاعدہ تجارت کا آغاز ہو گیا، چین سے لایا گیا تجارتی سامان ایبٹ آباد سے سخت ترین سیکورٹی میں گوادر کیلئے روانہ کیا گیا۔

3

پاک فوج اور پولیس کی سخت ترین سیکورٹی میں چین سے لایا گیا سامان ایبٹ آباد سے سینکڑوں ٹرکوں اور کنٹینرز کے ذریعے گوادر روانہ کیا گیا، تجارتی سامان گلگت سے ایبٹ آباد پہنچایا گیا تھا۔

مزید پڑھیں: پاک چین راہداری منصوبہ کے تحت باقاعدہ تجارت کا آغاز

گیس کی قیمتوں میں اضافہ نہ کرنے کا فیصلہ

وفاقی وزیر پیٹرولیم اور قدرتی وسائل شاہد خاقان عباسی نے رواں سال گیس کی قیمتوں میں اضافہ نہ ہونے کی نوید سناتے ہوئے کہا کہ اوجی ڈی سی ایل نے تین بلاکس سے 70ایم ایم سی ایف ڈی گیس دریافت کی ہے، انہوں نے کہا کہ رواں سال گیس کی قیمتوں میں اضافہ نہیں ہو

15

مزید پڑھیں: رواں سال گیس کی قیمتوں میں اضافہ نہیں ہوگا،شاہد خاقان عباسی

پہلے تجارتی قافلے کی آمد

پاک چین اقتصادی راہداری کے تحت پینتالیس کنٹینرز کا پہلہ قافلہ گوادر پہنچا، قافلے نے اکتیس اکتوبر کو چین کے شہر کاشغر سے اپنے سفر کا آغاز کیا تھا۔ گوادر پہنچنے پر قافلے کا شاندار استقبال کیا گیا۔

4

 مزید پڑھیں: پاک چین اقتصادی راہداری، پہلا تجارتی قافلہ گوادر پہنچ گیا

اسٹیٹ بینک کا حکومت کو انتباہ

 اسٹیٹ بینک نے حکومت کو خبردار کیا ہے کہ وہ ٹیکسوں کا نظام درست کرے ، ٹیکس نظام میں عارضی طور پر کیے گئے اقدامات سے معیشت میں بگاڑ پیدا ہورہا ہے۔

super-tax

مزید پڑھیں : حکومت ٹیکسوں کا نظام درست کرے، اسٹیٹ بینک کا انتباہ

انکم ٹیکس ترمیمی آرڈیننس میں توسیع کی قرارداد منظور

قومی اسمبلی نے انکم ٹیکس ترمیمی آرڈیننس میں توسیع کی قرارداد کثرت رائے سے منظور کرلی، جب کہ پیپلز پارٹی اور ایم کیو ایم کے اراکین نے قرارداد پر اپوزیشن کو اعتماد میں نہ لینے، اظہارِ خیال کا موقع نہ دینے اور بل کے بجائے آرڈیننس کی صورت میں پیش کرنے پر اجلاس سے واک آﺅٹ کیا۔

13

مزید پڑھیں :قومی اسمبلی، انکم ٹیکس ترمیمی آرڈیننس منظور، اپوزیشن کا واک آؤٹ

پاکستان اسٹاک ایکسچینج کیلیے اسٹریٹجک پارٹنر کی تلاش

پندرہ دسمبر کو پاکستان اسٹاک ایکسچینج کیلئے اسٹریٹجک پارٹنر کی تلاش کا اہم ترین مرحلہ مکمل کیا گیا، پی ایس ایکس کے شئیرز کیلئے امریکی اسٹاک ایکسچینج اور برطانوی فنڈز کے کنسورشیم کی پیشکشیں اور شنگھائی اسٹاک ایکسچینج کی پیشکش بھی مل گئی

8

مزید پڑھیں : پاکستان اسٹاک ایکسچینج کے اسٹریٹجک پارٹنر کی تلاش، چائنیزکنسورشیم کو ڈیڈلائن دیدی

:دسمبر

پمپ مالکان کو سی این جی کی قیمت تعین کرنے کا اختیار

اب سی این جی کی قیمت کا تعین پمپ مالکان کریں گے، سی این جی ایسوسی ایشن نے اس فیصلے کا خیر مقدم کیا ہے جب کہ سیاسی جماعتوں نے اس فیصلے کو واپس لینے کا مطالبہ کیا ہے۔ اس کے علاوہ پنجاب کے بعد سندھ اور کے پی کے میں بھی سی این جی کی قیمت ڈی ریگولیٹ کردی گئیں۔

16

مزید پڑھیں: سی این جی کی قیمت کیا ہوگی،پمپ مالک خود طے کرے گا

پانچ ہزار کا نوٹ بند کرنے کا کوئی فیصلہ نہیں ہوا

وزارت خزانہ نے کہا کہ 5 ہزار کے نوٹ بند نہیں کیے جا رہے۔ نوٹ بند کرنے کا کو ئی جواز نہیں ہے، تمام خبریں بے بنیاد ہیں۔ نوٹوں کی بندش کے حوالے سے جو خبریں اخباروں، میڈیا اور کاروباری حلقوں میں زیر گردش ہیں، وزارت خزانہ نے ان کو غلط قرار دیا۔

مزید پڑھیں: وزارت خزانہ کی 5 ہزار کا نوٹ بند کرنے کی تردید

12

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top