ترکی میں جنگلات کی خوفناک آگ سے بچ جانے والی تتلی کی امدادی کارکن کے ہاتھ سے پانی پینے کی ویڈیو وائرل ہوگئی۔
غیرملکی خبررساں ادارے کی رپورٹ کے مطابق ترکی کی تنظیم کی جانب سے لی گئی ویڈیو میں تتلی کو ایک امدادی کارکن کے ہاتھ سے پانی پیتے ہوئے دیکھا جاسکتا ہے۔
یہ تتلی جنگلات کی آگ سے متاثرہ جنوبی بحیرہ روم کے علاقے سے یہاں پہنچی تھی۔
ترکی میں مختلف این جی اوز کی جانب سے جنگلات کی آگ سے متاثرہ علاقوں میں جانوروں اور پرندوں کی مدد کے لیے فیلڈ اسپتال قائم کیے گئے ہیں۔
Precious – butterfly that survived Turkey wildfire drinks water out of man's palm v @TheSun @Elif_Safak @ParveenKaswan @AidanRGallagher @ActorMadhavan @UNBiodiversity @IPBES @RnfrstAlliance @RnfrstAlliance @GlobalLF @therealfstl1992
pic.twitter.com/b19pYUrRyJ— SDG2030 (@SDG2030) August 5, 2021
واضح رہے کہ ترکی کے جنگلات میں گزشتہ ہفتے لگنے والی آگ کے باعث مختلف حادثات میں 8 افراد ہلاک ہوگئے تھے۔
ترک حکام کا کہنا تھا کہ آتشزدگی کے نتیجے میں 180 سے زائد افراد زخمی ہوئے تھے جنہیں اسپتال منتقل کردیا گیا تھا، اس کے علاوہ آگ پھیلنے کے خدشے کے پیش نظر آنتالیا شہر میں 18 جب کہ عدانا اور مرسن میں 16 کے قریب دیہاتوں کو خالی کرالیا گیا تھا۔
دوسری جانب ترک انتظامیہ نے خدشہ ظاہر کیا ہے کہ آگ جان بوجھ کر لگائی گئی ہے جس کی تحقیقات جاری ہیں جب کہ صدر اردوان نے بھی ذمہ داروں کے خلاف کارروائی کی ہدایت کی ہے۔