The news is by your side.

ضمنی انتخابات: ضابطہ اخلاق کی خلاف ورزی پر الیکشن کمیشن کا ایکشن

لاہور: صوبہ پنجاب میں ہونے والے ضمنی انتخابات کے دوران ضابطہ اخلاق کی خلاف ورزی پر الیکشن کمیشن نے کارروائی ہے۔

رپورٹ کے مطابق ضمنی انتخابات میں ضابطہ اخلاق کی خلاف ورزی پر لاہور، لودھراں اور خوشاب میں کارروائیاں کی گئی، لاہور میں ضابطہ اخلاف کی ورزی پر طلب کیے گئے ن لیگ کے امیدوار نذیرچوہان اور پی ٹی آئی کے امیدوار شبیر گجر ڈسٹرکٹ مانیٹرنگ آفیسر کے سامنے پیش ہوئے، جہاں دونوں امیدواروں نے اپنے بیان ریکارڈ کروائے۔ ڈسٹرکٹ مانیٹرنگ آفیسر نے کارروائی کی رپورٹ الیکشن کمیشن کو ارسال کردی ہے۔

ڈسٹرکٹ مانیٹرنگ آفیسر لودھراں نے انتخابی مہم میں شرکت پر وزیر مملکت عبدالرحمان کو نوٹس جاری کردیا ہے، الیکشن کمشین نے وزیر مملکت کو 27جون کو وضاحت کےلئے طلب کرلیا ہے۔

دوسری جانب ڈسٹرکٹ مانیٹرنگ آفیسر خوشاب نے تقرری وتبادلے کا اعلامیہ منسوخ کرنے کے احکامات دیے تھے، جس کے بعد اسسٹنٹ کمشنر قائد آباد نے تقرری و تبادلے کا اعلامیہ منسوخ کردیا ہے۔

ڈسٹرکٹ مانیٹرنگ آفیسر خوشاب نے ضابطہ اخلاق پر عملدرآمد کیلئے ڈپٹی ڈائریکٹر لوکل گورنمنٹ کو مراسلہ بھی لکھ دیا ہے۔

Comments

یہ بھی پڑھیں