تھرپارکر : کروڑوکیسر اڑسماں میں شرپسندوں نے پولنگ اسٹیشن میں داخل ہوکر سامان نذر آتش کردیا۔
تفصیلات کے مطابق صوبہ سندھ کے ضلع تھرپارکر میں شرپسندوں نے پولنگ اسٹیشن پر دھاوا بول دیا، شرپسندوں نے پولنگ اسٹیشن میں آگ لگا دی اور سامان خاکستر کردیا۔
ذرائع کا کہنا ہے کہ شرپسندوں کی جانب سے پولنگ اسٹیشن میں تباہ کاریاں جاری تھیں کہ رینجرز نے موقع پر پہنچ کر پانچ افراد کو حراست میں لے لیا۔
ذرائع کا کہنا ہے کہ واقعے میں تین پولیس اہلکاروں کی وردیاں بھی جل گئیں۔
خیال رہے کہ تھرپارکر سے این اے 221 کی نشست پر 2018 کے انتخابات میں پیر نور محمد شاہ جیلانی کامیاب ہوئے تھے تاہم ان کے انتقال کے باعث یہ نشست خالی ہوگئی تھی جس پر ضمنی انتخابات کی پولنگ آج جاری ہے۔
Comments
- Advertisement -
