نہال ہاشمی کی سینیٹ کی خالی نشست پرپولنگ -
The news is by your side.

Advertisement

نہال ہاشمی کی سینیٹ کی خالی نشست پرپولنگ

لاہور: مسلم لیگ ن کے نا اہل سینیٹر نہال ہاشمی کی خالی نشست پر پنجاب اسمبلی میں پولنگ جاری ہے۔

تفصیلات کے مطابق نا اہل نہال ہاشمی کی خالی نشست پر پنجاب اسمبلی میں سینیٹ کے ضمنی انتخاب کے لیے پولنگ صبح 9 بجے سے شام 4 بجے تک جاری رہے گی۔

پنجاب اسمبلی میں سینیٹ کی نشست کے لیے جاری پولنگ کے دوران صوبائی اسمبلی کے اسٹاف کے ایوان میں داخلے پرپابندی ہوگی۔

نہال ہاشمی کی خالی نشست پرآذاد امیدوار ڈاکٹراسد اور تحریک انصاف کی ڈاکٹرزرقا کے درمیان مقابلہ ہے جبکہ پیپلزپارٹی نے پولنگ میں حصہ نہ لینے کا اعلان کیا ہے۔


سپریم کورٹ نے نہال ہاشمی کوایک ماہ قید کی سزا سنادی


خیال رہے کہ سپریم کورٹ کی جانب سے نہال ہاشمی کو توہین عدالت کا مرتکب قرار دیے جانے کے بعد سینیٹ کی نشست خالی ہوئی تھی۔

الیکشن کمیشن آف پاکستان نے گزشتہ ماہ 2 فروری کو سپریم کورٹ کی جانب سے نااہل قرار دیے جانے والے مسلم لیگ ن کے سینیٹر نہال ہاشمی کی نشست خالی قرار دینے کا نوٹیفکیشن جاری کیا تھا۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں