The news is by your side.

پنجاب میں سینیٹ کی دو نشستوں پر انتخاب کے لیے پولنگ جاری

لاہور: پنجاب میں سینیٹ کی دو نشستوں پر انتخاب کے لیے پولنگ جاری ہے، مسلم لیگ ن کے سعودمجیداور پی ٹی آئی کے ولید کےدرمیان مقابلہ ہوگا جبکہ خواتین کی نشست پر پی ٹی آئی کی سیمی ایزدی اور ن لیگ کی سائرہ افضل مدمقابل ہیں۔

تفصیلات کے مطابق پنجاب میں سینیٹ کی دو نشستوں پر انتخاب کے لیے پولنگ کا آغاز ہوگیا ہے ،پنجاب اسمبلی میں ہونے والی پولنگ شام چار بجے تک جاری رہے گی ، 371 کے ایوان میں سے 369 ارکان حق رائے دہی استعمال کریں گے۔

پولنگ اسٹیشن کے اندر موبائل یا کیمرہ لے جانا منع ہے جبکہ ووٹنگ کے لیے اسمبلی سے جاری شدہ اصل کارڈ ووٹرز کے پاس ہونا ضروری ہے۔

جنرل نشست پر پاکستان تحریک انصاف کے ولید اقبال اور ن لیگ کے سعود مجید کے درمیان سخت مقابلہ متوقع ہے جبکہ خواتین کی نشست پرپی ٹی آئی کی سیمی ایزدی اورن لیگ کی سائرہ افضل تارڑ مدمقابل ہیں۔

خیال رہے سپریم کورٹ نے سعدیہ عباسی کی رکنیت کالعدم قرار دیتے ہوئے موقف اختیار کیا تھا کہ سعدیہ عباسی کاغذات جمع کراتے وقت دہری شہریت کے حامل تھی اورسعدیہ عباسی اورہارون اختر کی نااہلی کے باعث نشستیں خالی ہوئی تھیں۔

دوسری جانب حمزہ شہباز کی پنجاب اسمبلی کے سیکیورٹی کےعملے سے تلخ کلامی ہوئی ، حمزہ شہباز نے اپنے عملے کو روکے جانے پر عدالتی سیکیورٹی عملے پر برہم ہوتے ہوئے کہا صرف اسپیکر کےاحکامات نہ مانیں بلکہ قوانین کی پابندی بھی کریں، اسمبلی اجلاس نہیں الیکشن ہے، اراکین کو اندر جانے سے روک رہے ہیں۔

Comments

یہ بھی پڑھیں