The news is by your side.

Advertisement

کورونا کی دوسری لہر، ملک بھر کے تمام ایئرپورٹس پر وزٹرز کے آنے پر پابندی

کراچی : سول ایوی ایشن نے کورونا کی دوسری لہر کے پیش نظر ملک بھر کے تمام ایئرپورٹس پر وزٹرز کے داخلے پر پابندی عائد کردی۔

تفصیلات کے مطابق کورونا وائرس کی دوسری لہر سے نمٹنےکیلئے حکومت کی جانب سے قدامات کا سلسلہ جاری ہے، سول ایوی ایشن نے ملک بھر کے ایئرپورٹس پر وزٹرز کے داخلے پر پابندی عائد کردی گئی۔

سی اےاے کا کہنا ہے کہ ایئرپورٹس پر مسافروں کو صرف ڈرائیور ڈراپ لائن پر چھوڑے گا ، مسافروں کو لینے والے ڈرائیور حضرات گاڑیوں میں انتظا‌ر کریں گے۔

سول ایوی ایشن نے ایئرپورٹ کی حدود میں ماسک پہننا لازمی قرار دیتے ہوئے کہا فیصلہ حفاظتی اقدامات کےتحت کیاگیا ہے۔

خیال رہے پاکستان میں کورونا وائرس ایک بارپھرزوردکھانے لگا، چوبیس گھنٹےمیں بارہ افراد لقمہ اجل بن گئے جبکہ گیارہ سو تئیس نئے کیسز رپورٹ ہوئے۔

کیسز کی تصدیق کے بعد مختلف شہروں میں تعلیمی ادارے سیل کردیئے گئے ہیں جبکہ لاہور سمیت پنجاب کے متعدد مقامات پر مائیکرو اسمارٹ لاک ڈاون کردیا گیا ہے۔

Comments

یہ بھی پڑھیں