The news is by your side.

Advertisement

فیصل آباد اور سکھر ائیرپورٹس پر فل اسکیل ایمرجنسی مشقوں کا انعقاد

فیصل آباد / سکھر : سی اے اے کی جانب سے سکھر اور فیصل آباد ایئرپورٹس پر کسی بھی ہنگامی صورتحال سے نمٹنے کیلئے فل اسکیل ایمرجنسی مشقوں کا انعقاد کیا گیا۔

ٓتفصیلات کے مطابق سول ایوی ایشن اتھاررٹی فیصل آباد ائیرپورٹ پر فل سکیل ایمرجنسی مشقوں کا انعقاد کیا گیا، جس میں تمام متعلقہ اداروں کے اراکین اور عملہ نے شمولیت اختیار کی۔

فل اسکیل ایمرجنسی مشقوں کا مقصد کسی بھی قسم کے ائیرکرافٹ کے حادثے کی صورت میں متعلقہ اداروں کی رسپانس کو جانچنا اور اس میں مزید بہتری لانا ہے۔

ان مشقوں میں سول ایوی ایشن اتھارٹی کے میڈیکل،ریسکیو اینڈ فائر فائیٹنگ، پاکستان ائیرفورس، ائیرپورٹ سیکورٹی فورس ، سول پولیس، ریسکیو 1122،ڈسٹرکٹ گورنمنٹ، سول ڈیفنس،تمام ائیرلائنز، ایدھی ایمبولینس سروس، ییلتھ ڈیپارٹمنٹ اور دیگر اداروں کے اعلی حکام اور عملہ نے بھرپور شرکت کی اور اپنی پیشہ ورانہ صلاحیتوں کا مظاہرہ بھی کیا۔

ایمرجنسی مشقوں کے اختتام پر راجہ اظہر محمود چییف آپریٹنگ آفیسر نے تمام شرکا کا شکریہ ادا کیا اور اس امید کا اظہار کیا کہ خدانخواستہ حقیقی ایمرجنسی کے لئے ہم پوری طرح تیار رہیں گے۔

دوسری جانب سی اے اے کی جانب سے سکھرایئرپورٹ پر کسی بھی ہنگامی صورتحال سے نمٹنے کیلئے فل اسکیل ایمرجنسی مشق کا انعقاد کیا گیا۔

مشقوں میں سی اے اے کے فائر ،ریسکیو، ویجیلنس، ایمبولنس سروسز اور طبی امداد کے اداروں نے حصہ لیا، سکھرایئرپورٹ پر فرضی مشق میں اے ٹی آر طیارے کی ہنگامی لینڈنگ اور طیارے میں لگنے والی آگ پر قابو پایا گیا۔

مشق میں طیارے سے زخمیوں کو اتارنے اور فوری طبی امداد بھی دی گئی، مشقوں کا مقصد تمام اداروں کی صلاحیتوں کو جانچنا ہے۔

ایئرپورٹ منیجر سعید عباسی کا کہنا ہے کہ سول ایوی ایشن مشقوں کا مقصد عالمی ہوابازی کی انجمن کے مطابق ہنگامی حالات سے نمٹنے کیلئے صلاحیتوں کو جانچا گیا جس پر سی اے اے کے عملے نے مقررہ حدف پورا کیا۔

fb-share-icon0
Tweet 20

Comments

comments

یہ بھی پڑھیں