The news is by your side.

سول ایوی ایشن کی جانب سے مسافروں اور ملازمین کی شکایات کا ازالہ

کراچی: سول ایوی ایشن کی جانب سے آن لائن کھلی کچہری کا انعقاد کیا گیا جس میں ایڈیشنل ڈی جی سی اے اے تنویر اشرف نے فیس بک پر مسافروں اور ملازمین کی شکایات سنیں اور ان کے ازالے کے لیے احکامات جاری کیے۔

تفصیلات کے مطابق وزیر اعظم عمران خان کی ہدایت پر سول ایوی ایشن کی جانب سے مسافروں کے لیے سفری اقدامات جاری ہیں، ایڈیشنل ڈی جی سی اے اے کی زیر صدارت آن لائن کھلی کچہری کا انعقاد کیا گیا۔

ایڈیشنل ڈی جی سی اے اے تنویر اشرف نے فیس بک پر مسافروں کی شکایات سنیں، انہوں نے مسافروں اور ملازمین کی شکایات کے ازالے کے لیے افسران کو موقع پر ہی احکامات جاری کیے۔

ایڈیشنل ڈی جی کا کہنا ہے کہ آن لائن کچہری میں مسافروں نے کمنٹس پر اپنے مسائل سے آگاہ کیا۔

خیال رہے کہ سول ایوی ایشن کرونا وائرس کے آغاز سے فضائی سفر کو محفوظ بنانے کے لیے مختلف اقدامات کر رہی ہے۔

اس حوالے سے سول ایوی ایشن نے فضائی مسافروں اور عملے کے لیے ایس او پیز بھی جاری کیے ہیں اور ان پر سختی سے عملدر آمد کی ہدایت کی ہے۔

Comments

یہ بھی پڑھیں