سی اے اے کا تمام ایئرلائنز کے کاک پٹ اور کیبن کریو کے طبی معائنے کی ہدایت -
The news is by your side.

Advertisement

سی اے اے کا تمام ایئرلائنز کے کاک پٹ اور کیبن کریو کے طبی معائنے کی ہدایت

کراچی: سول ایوی ایشن اتھارٹی نے تمام ایئرلائنز کے کاک پٹ اور کیبن کریو کے طبی معائنے کی ہدایت کردی اگر کوئی پائلٹ نشے میں پایا گیا تو اس کے خلاف سخت کارروائی عمل میں لائی جائے گی۔

اس بات کا فیصلہ ڈی جی سول ایوی ایشن اتھارٹی کے صدارت تمام ایئر لائنز کے نمائندگا ن کا ہنگامی اجلاس میں کیا گیا، اجلاس میں تمام ایئرلائنز کو مسافروں کی حفاظت سے متعلق ترجیحی بنیادوں پر فوری اقدامات کی ہدایت کی گئی۔

اجلاس میں ڈی جی سول ایوی ایشن نے انکشاف کیا کہ تین نومبر کو لاہور میں پیش آنے والے واقعے کا نوٹس لیا گیا تھا اور شاہین ایئرانٹرنیشنل کی پرواز نمبر NL-142 کے کپتان کا طبی معائنہ کرایا گیا تو کپتان کے بلڈ ٹیسٹ میں الکوحل اور لیکٹیٹ کی ناقابلِ قبول مقدارپائی گئی تھی،جس سے ظاہر ہوتا ہے کہ پائلٹ شدید تھکان کا شکاربھی تھا۔

انہوں نے ایئرلائنز کے نمائندے کو سختی سے ہدیت جاری کی کہ وہ اپنے پائلٹس کے معیار کو ایوی ایشن کے مجوزہ معیار کے مطابق بنائیں اورالکوحل کے زیرِ اثر جہاز اڑانے سے قطعی طور پر اجتناب کریں ۔

اس موقع پر انہوں نے کاک پٹ اور کیبن کریو کے نظم و ضبط اور مجوزہ معیارپر عمل کرنے کی ضرورت پر زور دیتے ہوئے تمام آپریٹرز کو آئندہ مزید محتاط رہنے اوراس قسم کے حادثات کے نہ ہونے کو یقینی بنانے کی ہدایت کی۔

آخر میں انہوں نے واضح کیا کہ پاکستان سول ایوی ایشن اتھارٹی ، ایک ریگولیٹر ہونے کے ناطے فلائٹ سیفٹی کو یقینی بنانے کے لئے تمام تر اقدامات کرے گی۔

Comments

comments

یہ بھی پڑھیں