سول ایوی ایشن اتھارٹی میں وسائل لوٹنے والوں کے خلاف گھیرا تنگ کرنے کا فیصلہ
The news is by your side.

Advertisement

سول ایوی ایشن اتھارٹی میں وسائل لوٹنے والوں کے خلاف گھیرا تنگ کرنے کا فیصلہ

کراچی : سول ایوی ایشن اتھارٹی میں وسائل لوٹنے والوں کے گرد گھیرا تنگ کرنے کا فیصلہ کر لیا گیا  اور ایئرپورٹ منیجرز اور سی او اوز کو ملازمین کی مانیٹرنگ  اور ان کیخلاف بھرپور کارروائی کی ہدایت کردی ہے۔

تفصیلات کے مطابق سول ایوی ایشن اتھارٹی نے ادارے کے وسائل لوٹنے والوں کے گرد گھیرا تنگ کرنے کا فیصلہ کر لیا ہے ، ملازمین کے افسروں کے گھروں میں ذاتی کاموں کے انکشاف کے بعد ایڈیشنل ڈائریکٹرز، سیکشن ہیڈز کو ملازمین اور وسائل کی نگرانی کا کام سونپ دیا گیا۔

سول ایوی ایشن حکام نے بذریعہ نوٹیفکیشن ملک کے تمام افسروں کو آگاہ کر دیا، مراسلہ میں ڈائریکٹرانجینئرنگ سروسز سمیر سعید کو ایئرپورٹس کے سرپرائز وزٹ کرنے کی ہدایت کی گئی ہے جبکہ ڈائریکٹر انجینئرنگ سروسز ملازمین کی حاضری چیک کریں گے۔

گاڑیوں کا غلط استعمال روکنے کے لئے انہیں طے شدہ پارکنگ میں کھڑا کرنے کی ہدایت کے ساتھ ساتھ گاڑیوں کے غیر ضروری استعمال پر محکمانہ کاروائی کا فیصلہ کیا گیا ہے۔

ایئرپورٹ منیجرز، چیف آپریشنز آفیسرز کو ڈیفالٹر ملازمین کی مانیٹرنگ کی ہدایت کی گئی ہے جبکہ انجینئرنگ سروسزملازمین کو ان کے عہدے کے مطابق تعینات کیا جائے گا۔

ملازمین کو ان کی ٹریڈ سے ہٹ تعینات کرنے والے انچارجز کیخلاف محکمانہ کاروائی کی جائے گی۔

Comments

comments

یہ بھی پڑھیں