The news is by your side.

Advertisement

مشتبہ لائسنسز، ملائیشین سول ایوی ایشن اتھارٹی نے تعینات پاکستانی پائلٹس کی تفصیلات طلب کرلیں

کراچی : ملائیشین سول ایوی ایشن اتھارٹی نے بھی مشتبہ لائسنسز کے حوالے سے پاکستان پائلٹس کی تفصیلات  طلب کر لیں اور کہاتصدیق نہ ہونے پر پاکستانی پائلٹس کےملائیشین لائسنسز منسوخی کےسواآپشن نہیں ہو گا۔

تفصیلات کے پاکستانی پائلٹس کی مشتبہ لائسنس کے معاملے پر ملائیشین سول ایوی ایشن اتھارٹی نے تفصیلات طلب کر لیں، ڈپٹی ڈائریکٹر فلائٹ آپریشن ڈویڑن ملیشین سول ایوی ایشن کی جانب سے خط جاری کیا گیا۔

ملائیشین سی اے اے نے بذریعہ خط تعینات پاکستانی پائلٹس کی تفصیلات طلب کیں، جس میں مقامی گیارہ اداروں میں تعینات پاکستان پائلٹس کے مکمل تفصیلات طلب کی گئی ، تفصیلات میں پائلٹ کا نام، پاسپورٹ نمبر پاکستانی لائسنس نمبر طلب کیے گئے ہیں۔

خط میں کہا گیا اگر ملائیشین سی اے اے کا جاری کردہ اجازت نامہ موجود ہے تو وہ بھی فراہم کئے جائیں جبکہ پاکستانی سی اے اے کے جاری لائسنسز کے تحت ملائشین لائسنسز پر منتقلی کی تفصیلات بھی طلب کی گئی ہے۔

خط میں پاکستانی سول ایوی ایشن کو کل تک درکار تفصیلات کی فراہمی کا کہا گیا جبکہ پاکستانی پائلٹس کی لائسنس کی دوبارہ تصدیق تک کے مراحل کی تفصیلات فوری فراہم بھی کرنے کا کہا گیا۔

لکھے گئے خط کے مطابق پاکستانی سی اے اے کی جانب سے تصدیق نہ کئے جانے پر پاکستانی پائلٹس کو جاری کردہ ملائیشین لائسنسز منسوخ کر نے کے علاوہ کو ئی آپشن نہیں ہو گا۔

fb-share-icon0
Tweet 20

Comments

comments

یہ بھی پڑھیں