اسلام آباد : وفاقی کابینہ نے پی ٹی آئی کے لانگ مارچ کو روکنے کے لیے وزارت داخلہ کے لیے41کروڑ روپے کی گرانٹ کی منظوری دے دی۔
تفصیلات کے مطابق وزیر اعظم شہباز شریف کی زیر صدارت وفاقی کابینہ کا اجلاس ہوا، وفاقی کابینہ نے 41 کروڑ روپے فنڈز کی وزارت داخلہ کی سمری کی منظوری دے دی۔
ذرائع نے بتایا کہ فنڈز ممکنہ لانگ مارچ اور دھرنے میں امن و امان برقرار رکھنے کیلئے مانگے گئے۔
- Advertisement -
ذرائع کے مطابق کابینہ نے رانا ثنا اللہ کے خلاف وارنٹ گرفتاری جاری کئے جانے کی مذمت کی، رانا ثنااللہ نے کہا محکمہ اینٹی کرپشن نے غلط ریکارڈ دے کر وارنٹ حاصل کئے۔
اجلاس میں سائفر گمشدگی ،مبینہ آڈیو لیکس سے متعلق تحقیقات پربھی بات غور کیا ، وفاقی کابینہ کو ابتدائی تحقیقات پر بریفنگ دی گئی۔
