The news is by your side.

Advertisement

وزیراعلیٰ پنجاب نے کرونا سے بچاؤ کے اقدامات سے متعلق کابینہ کی کمیٹی بنا دی

لاہور: وزیراعلیٰ پنجاب عثمان بزدار نے کرونا سے بچاؤ کے اقدامات سے متعلق کابینہ کی خصوصی کمیٹی بنا دی ہے۔

تفصیلات کے مطابق راجہ بشارت کمیٹی کے سربراہ اور وزیر صحت یاسمین راشد نائب سربراہ ہوں گی۔ کمیٹی کرونا سے بچاؤ پر وفاقی و عالمی اداروں اور شراکتی اداروں سے رابطہ رکھے گی۔

کمیٹی تشخیص، آئسولیشن اور علاج یقینی بنانے پر اسپتالوں اور محکمہ صحت کی مؤثر نگرانی کرے گی۔ اسپتالوں کو ٹیسٹنگ کٹس، دواؤں ،آلات اور دیگر سہولتوں کی فراہمی یقینی بنائی جائے گی۔

خصوصی کمیٹی طبی عملے کی تربیت اور مطلوبہ جگہوں پر دستیابی یقینی بنائے گی۔ کمیٹی کرونا سے بچاؤ کے لیے وسیع پیمانے پر آگاہی مہم کی نگرانی کرے گی۔ جبکہ کمیٹی روز کی بنیاد پر جائزہ اجلاس کر کے رپورٹ وزیر اعلیٰ پنجاب کو بھجوائے گی۔ صوبائی حکومت نے کروناوائرس سے لڑنے کے لیے کمر کس لی۔

پاکستان میں کورونا وائرس سے ایک اور موت ، تعداد 8 ہوگئی

خیال رہے کہ پاکستان میں کرونا وائرس کے باعث خاتون انتقال کرگئیں۔ جس کے بعد اموات کی تعداد 8 ہوگئی جبکہ متاثرہ مریضوں کی تعداد 1000 تک جا پہنچی ہے۔

راولپنڈی میں ایم ایچ اسپتال میں کرونا کے باعث خاتون انتقال کرگئیں۔ کمشنر راولپنڈی نے خاتون کی کرونا سے موت کی تصدیق کرتے ہوئے کہا ہے کہ خاتون شاہدہ 21 مارچ سے ایم ایچ اسپتال میں زیر علاج تھی، وہ برطانیہ سے پاکستان پہنچی تھیں۔

fb-share-icon0
Tweet 20

Comments

comments

یہ بھی پڑھیں