The news is by your side.

Advertisement

وفاقی کابینہ کا اجلاس آج ہوگا، 12نکاتی ایجنڈا جاری کردیا گیا

اسلام آباد : وزیراعظم عمران خان کی زیرصدارت وفاقی کابینہ کااجلاس آج ہوگا، گزشتہ روز کابینہ کا اجلاس اسمبلی سیشن کے باعث مؤخر ہوگیا تھا۔

تفصیلات کے مطابق وفاقی کابینہ کااجلاس وزیر اعظم عمران خان کی زیر صدارت آج اسلام آباد میں ہوگا، وفاقی کابینہ کےاجلاس کا12نکاتی ایجنڈا جاری کردیا گیا ہے۔

ایجنبڈے کے مطابق وفاقی کابینہ کے اجلاس میں ملکی معاشی سیاسی صورتحال سمیت کورونا وائرس کی موجودہ صورتحال سمیت پارٹی امور پر بھی غور ہوگا، اس کے علاوہ وزارت داخلہ کی جانب سے ممنوعہ اسلحہ لائسنس کے اجرا کا معاملہ بھی ایجنڈے میں شامل ہے۔

ایجنڈا میں کہا گیا ہے کہ ای او بی آئی پنشنرز کی پنشن میں اضافے کا فیصلہ وفاقی کابینہ کرے گی، ایران، عراق ودیگر ممالک کیلئے زائرین پالیسی ریگولیٹری فریم ورک پیش کیا جائیگا، متروکہ وقف املاک کی شہری آبادی کے تعلیم، صحت پر پالیسی میں تبدیلی بھی ایجنڈے کا حصہ ہے۔

اجلاس میں وفاقی میڈیکل ٹیچنگ انسٹیٹیوٹ بل پرنیشنل ہیلتھ ریفارمز ٹاسک فورس بریفنگ دی جائے گی، پاکستان سافٹ وئیر ایکسپورٹ بورڈ کے ایم ڈی کی تعیناتی اور ای سی سی اور کابینہ کی توانائی کمیٹیوں کے فیصلوں کی توثیق بھی ایجنڈے میں شامل ہے۔

اس کے علاوہ اجلاس میں ایس ای سی پی کے مالی سال2020کے آڈیٹرز کی منظوری اور ایس ڈی گولز کے حصول سے متعلق گائیڈ لائنز میں ردوبدل پر بھی غور کیا جائے گا، مرغزار چڑیا گھر کا انتظامی کنٹرول وزارت ماحولیاتی تبدیلی کو دینے یا نہ دینے کا فیصلہ ہوگا۔

ریونیو ڈویژن کی جانب سے پینل سر چارج کی معافی کا معاملہ اور پی آئی اے پائلٹس کے جعلی لائسنس کا معاملہ بھی وفاقی کابینہ کے ایجنڈے میں شامل کرلیا گیا ہے، وفاقی کابینہ پائلٹس کے جعلی لائسنس کو منسوخ کرنے کی منظوری دے گی۔

Comments

یہ بھی پڑھیں