site
stats
پاکستان

ڈی ٹی ایچ لائسنس پانچ سال کیلئے مؤخرکیا جائے، کیبل آپریٹرز

اسلام آباد : ڈی ٹی ایچ لائسنس کی نیلامی کے خلاف کیبل آپریٹرزایسوسی ایشن کے زیر اہتمام پیمرا ہیڈ کوارٹرز کے باہر احتجاجی مظاہرہ کیا گیا، مظاہرین کا کہنا تھا کہ چیئرمین پیمرا کیبل آپریٹرز کا معاشی قتل نہ کریں۔

تفصیلات کے مطابق کیبل بچاؤ تحریک کے تحت کیبل آپریٹرزایسوسی ایشن کی جانب سے اپنے مطالبات کے حق میں پیمرا ہیڈ کوارٹرز کے باہر احتجاجی مظاہرہ کیا گیا۔

مطاہرین نے ڈی ٹی ایچ لائسنس کی نیلامی کے خلاف شدید نعرے بازی کی، انہوں نے چیئر مین پیمرا سے مطالبہ کیا کہ ڈی ٹی ایچ لائسنس کے ذریعے کیبل آپریٹرز کا معاشی قتل نہ کیا جائے۔

اس موقع پر کیبل آپریٹرز ایسوسی ایشن کے رہنما خالد آرائیں نے اسلام آباد پریس کلب میں میڈیا سے گفتگو کرتے ہوئے کہا کہ چیئرمین پیمرا کیبل آپریٹرز کے مسائل کو سمجھیں۔

گزشتہ ایک ماہ سے اپنا احتجاج ریکارڈ کراتے آرہے ہیں، ہمارا بنیادی مطالبہ ہے کہ ڈی ٹی ایچ لائسنس کی نیلامی پانچ سال کیلئے مؤخر کی جائے۔

ہمارے مطالبات تسلیم نہ کیے گئے تو احتجاج کا حق رکھتے ہیں، چیئرمین پیمرا ہماری گزارش کو دھمکی نہ سمجھیں، انہوں نے بتایا کہ وزیرخزانہ اسحاق ڈار جمعے کے روز کیبل آپریٹرز ایسوسی ایشن کے وفد سے ملاقات کریں گے جس کے بعد آئندہ کا لائحہ عمل طے کیا جائے گا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top