site
stats
پاکستان

کیبل آپریٹرز نے ہڑتال ختم کرنے کا اعلان کردیا

لاہور : کیبل آپریٹرز نے ملک بھر میں کیبل کی نشریات بحال کرتے ہوئے اپنی ہڑتال ختم کرنے کا اعلان کردیا، جبکہ لاہور ہائیکورٹ نے ڈی ٹی ایچ کی نیلامی روکنے کا حکم دے دیا ہے۔

تفصیلات کے مطابق لاہور ہائیکورٹ نے ڈی ٹی ایچ کی تئیس نومبر کو نیلامی روکنے کیلئے حکم امتناع جاری کردیا۔ جس کے بعد چیئرمین کیبل آپریٹرزخالد آرائیں نے ہڑتال ختم کرنے کا اعلان کردیا۔

لاہور ہائیکورٹ کے جج نے 23 نومبر کو ڈی ٹی ایچ کی نیلامی پر حکم امتناع جاری ہوئے اپنے ریمارکس میں کہا کہ ڈی ٹی ایچ کی نیلامی کے خلاف کیس زیر سماعت ہے۔

عدالت نے وکلاء کے دلائل مکمل ہونے کے بعد ڈی ٹی ایچ کی نیلامی کے متعلق کیس پر فیصلہ محفوظ کر رکھا ہے، عدالت نے ہدایت کی کہ جب تک عدالت فیصلہ جاری نہیں کرتی اس وقت تک ڈی ٹی ایچ کی بڈنگ نہ کی جائے۔

کیبل آپریٹرزایسوسی ایشن کے چیئرمین خالد آرائیں نے لاہور ہائیکورٹ سے حکم امتناع جاری ہونے اور وزیرمملکت کی جانب سے مسائل کی یقین دہانی پر ہڑتال ختم کرنے کا اعلان کیا۔

مزید پڑھیں : وزیر خزانہ سے مذاکرات ناکام، مختلف شہروں میں کیبل نشریات بند

خالد آرائیں نے اے آر وائی نیوز سے گفتگو کرتے ہوئے کہا کہ پی بی اے کے عہدیداروں سے بات ہوئی ہے، مطالبات کے حل کیلئے کمیٹی تشکیل دے رہے ہیں۔

مزید پڑھیں : ڈی ٹی ایچ لائسنس پانچ سال کیلئے مؤخرکیا جائے، کیبل آپریٹرز

انہوں نے بتایا کہ وفاقی وزیر خزانہ اسحاق ڈار سے ملاقات کے لئے ہم نے ساڑھے تین گھنٹے انتظار کیا، ان کا کہنا تھا کہ وزیر اطلاعات مریم اورنگزیب نے ہمارے مسائل حل کرنے کی یقین دہانی کرائی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top